ವರ್ಕ್ ಫ್ರಮ್ ಹೋಂ ಅನ್ನುವ ಪರಿಕಲ್ಪನೆ ಐಟಿಗೆ ಹೊಸತೇನಲ್ಲ. ಆದರೆ ಕೊರೋನಾ ಮಹಾಮಾರಿ ಬಂದಾಗ ಇದರ ಬಳಕೆ ಜಾಸ್ತಿ ಆಯ್ತು.
ಈಗ ವರ್ಕ್ ಫ್ರಮ್ ಹೋಂ ಮಹಾಮಾರಿ ಕಮ್ಮಿ ಆದಾಗಲೂ ಪೂರ್ತಿ ಅಲ್ಲದಿದ್ದರೂ ಸ್ವಲ್ಪ ಮುಂದುವರಿಯಲಿದೆ. ವರ್ಕ್ ಫ್ರಮ್ ಹೋಂ ವೇಳೆಯಲ್ಲಿ ಕಂಪ್ಯೂಟರ್ ಇಂಜಿನಿಯರ್ ಗೆ ಬೇಕಾಗುವ ಕೆಲವು ಉಪಯುಕ್ತ ವಸ್ತುಗಳನ್ನು ಇಲ್ಲಿ ನೋಡೋಣ.
ಚಿತ್ರಕೃಪೆ: Samule Sun on Unsplash
{tocify} $title={ವಿಷಯ ಸೂಚಿ}
ಈ ಲೇಖನದಲ್ಲಿ ಅಫಿಲಿಯೇಟ್ ಲಿಂಕ್ ಗಳು ಇವೆ. ಈ ಕಂಟೆಂಟ್ ಯಾವುದೇ ರೀತಿಯಲ್ಲಿ ಅವುಗಳನ್ನು ನಿಮಗೆ ಮಾರಲು ಬರೆದಿಲ್ಲ. ಈ ಲಿಂಕ್ ಬಳಸುವದು ಬಿಡುವದು ನಿಮಗೆ ಬಿಟ್ಟಿದ್ದು. ಒತ್ತಾಯ ಇಲ್ಲ. ಬಳಸಿದರೆ ನಿಮಗೆ ಒಂದು ಪೈಸೆ ಸಹ ಎಕ್ಸ್ಟ್ರಾ ಖರ್ಚಾಗದೆ ನಿಮ್ಮ ಗಣಕಪುರಿಗೆ ಆರ್ಥಿಕ ಬೆಂಬಲ ದೊರೆಯುತ್ತದೆ. ವಂದನೆಗಳು.
ವರ್ಕ್ ಫ್ರಮ್ ಹೋಂ ಅನ್ನುವದು ಅಪರೂಪ ಆಗಿದ್ದಾಗ ಮನೆಯಲ್ಲಿ ಯಾವುದೇ ವ್ಯವಸ್ಥೆ ಬೇಕಿಲ್ಲ. ಆದರೆ ಜಾಸ್ತಿ ದಿನ ಮಾಡಲು ಮನೆಯಲ್ಲಿ ಹೋಂ ಆಫೀಸ್ ಸಜ್ಜುಗೊಳಿಸಿಕೊಳ್ಳುವದು ಉತ್ತಮ.
ನನ್ನ ಅನುಭವದ ಪ್ರಕಾರ ಈ ಮುಂದಿನ ವಸ್ತುಗಳು ನಮ್ಮ ಹೋಂ ಆಫೀಸಲ್ಲಿ ಇದ್ದರೆ ಉತ್ತಮ. ಹೋಂ ಆಫೀಸ್ ಪ್ರತ್ಯೇಕವಾದ ರೂಂ ಆದರೂ ಸರಿ ಅಥವಾ ಮನೆಯ ಯಾವುದಾದರೊಂದು ರೂಂ ನ ಮೂಲೆ ಆದರೂ ಸರಿ.
ಲ್ಯಾಪ್ ಟಾಪ್
ಹೆಚ್ಚಿನವರಿಗೆ ಆಫೀಸಲ್ಲೇ ಲ್ಯಾಪ್ ಟಾಪ್ ಕೊಡಲಾಗುತ್ತೆ. ಆದರೆ ನೀವೇ ತೆಗೆದುಕೊಳ್ಳ ಬೇಕಿದ್ದರೆ ಉತ್ತಮ ವೇಗದ ಜಾಸ್ತಿ ರಾಮ್ ಇರುವ ಲ್ಯಾಪ್ ಟಾಪ್ ಖರೀದಿಸುವದು ಒಳ್ಳೆಯದು.
ಇನ್ನು ಬೇಕಿದ್ದರೆ ಪ್ರತ್ಯೇಕ ಮಾನಿಟರ್ ಸಹ ಇಟ್ಟು ಕೊಳ್ಳಬಹುದು.
ನನ್ನ ಆಯ್ಕೆಯ ಲ್ಯಾಪ್ ಟಾಪ್ ಗಳು ಈ ಕೆಳಗಿವೆ
ಎಪಲ್ ಮ್ಯಾಕ್ ಬುಕ್ ಪ್ರೋ ಎಂ೧ ಪ್ರೋ ಚಿಪ್
ಎಸುಸ್ ರೋಗ್ ಝೆಫಿರಸ್ ಜಿ೧೪ ಪ್ರೀಮಿಯಂ
ಎಸುಸ್ ರೋಗ್ ಝೆಫಿರಸ್ ಜಿ೧೪ - ಮಿಡ್ ರೇಂಜ್
ಟೇಬಲ್
ಲ್ಯಾಪ್ ಟಾಪ್ ಅನ್ನು ಬಳಸುವಾಗ ಟೇಬಲ್ ಮೇಲೆ ಇಟ್ಟು ಕೊಂಡು ಬಳಸುವದು ಉತ್ತಮ.
ತೊಡೆ ಮೇಲೆ, ಮಂಚ, ಸೋಫಾ ಅಥವಾ ನೆಲದ ಮೇಲೆ ಇಟ್ಟು ಕೊಂಡು ಬಳಸ ಬಹುದಾದರೂ ಹೆಚ್ಚು ಕಾಲ ಬಳಸಿದಾಗ ಬೆನ್ನು ಮೂಳೆಗೆ ಸಂಬಂಧಿಸಿದ, ಕುತ್ತಿಗೆ ನೋವು ಇತ್ಯಾದಿ ಬಂದೀತು.
ತೊಡೆ ಮೇಲೆ ಇಟ್ಟುಕೊಂಡರೆ ಲ್ಯಾಪ್ ಟಾಪ್ ರೇಡಿಯೇಶನ್, ಬಿಸಿ ಅನವಶ್ಯಕ ನಿಮ್ಮ ದೇಹಕ್ಕೆ ತಾಗುತ್ತದೆ ಅಲ್ವಾ.
ಟೇಬಲ್ ಬರೀ ಲ್ಯಾಪ್ ಟಾಪ್ ಹಿಡಿಯುವಷ್ಟೇ ಚಿಕ್ಕದು ಬೇಡ. ದೊಡ್ಡದಾಗಿರಲಿ. ಇದರಿಂದ ನೋಟ್ ಬುಕ್ ಇಡಲು, ಹೆಡ್ ಫೋನ್, ಮೊಬೈಲ್ ಇತ್ಯಾದಿ ಇಡಲು ಜಾಗ ಇರುತ್ತದೆ.
ತೀರಾ ಸಮಯ ಇರದ ಪಕ್ಷದಲ್ಲಿ ಊಟ, ತಿಂಡಿ ಮಾಡಲೂ ಸಹ ಬಳಸಬಹುದು. ;)
ಒಂದೆರಡು ಟೇಬಲ್ ಉದಾಹರಣೆ ಕೆಳಗಿದೆ.
ಇರ್ಗೊನಾಮಿಕ್ ಆಫೀಸ್ ಚೇರ್
ಆಫೀಸ್ ಅಲ್ಲಿ ಬೈ ಡಿಫಾಲ್ಟ್ ಇರ್ಗೊನೊಮಿಕ್ ಚೇರ್ ಕೊಡುತ್ತಾರೆ. ಮನೆಯಲ್ಲಿ ನಾವು ಈಗಾಗಲೇ ಇರುವ ಮರದ ಕುರ್ಚಿ, ಪ್ಲಾಸ್ಟಿಕ್ ಕುರ್ಚಿ, ಸೋಫಾ ಕುರ್ಚಿ ಅಥವಾ ಕಬ್ಬಿಣದ ಕುರ್ಚಿ ಬಳಸ ಬಾರದು. ಇನ್ನು ಕುಶನ್ ಇದ್ದರೂ ಇರ್ಗೊನೊಮಿಕ್ ಅಲ್ಲದ ಚೇರ್ ಬಳಸುವದು ಒಳ್ಳೆಯದಲ್ಲ.
ಕಂಪ್ಯೂಟರ್ ಮುಂದೆ 8 ರಿಂದ 12 ಗಂಟೆಗಳ ಕಾಲ ಪ್ರತಿದಿನ ಕೆಲಸ ಮಾಡುವ ಅನಿವಾರ್ಯತೆ ಇರುತ್ತದೆ. ಹೀಗಿರುವಾಗ ಸಾದಾ ಚೇರ್ ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಬೆನ್ನು ನೋವು, ಕುತ್ತಿಗೆ ನೋವು ಉಂಟು ಮಾಡುತ್ತೆ.
ಒಂದು ಇರ್ಗೊನೊಮಿಕ್ ಆಫೀಸ್ ಚೇರ್ ಕೂಡಾ ವರ್ಕ್ ಫ್ರಮ್ ಹೋಂ ಗೆ ಉಪಯುಕ್ತ.
ಒಂದೆರಡು ಉದಾಹರಣೆಗಳು ಕೆಳಗಿವೆ. ಅಮೇಜಾನ್ ಅಲ್ಲಿ ವಿವರ ನೋಡಿ.
ಗ್ರೀನ್ ಸೌಲ್ ವಿಯಾನ್ನಾ ಹೈ ಬ್ಯಾಕ್
ಗ್ರೀನ್ ಸೌಲ್ ಜ್ಯುಪಿಟರ್ ಎರ್ಗೊನೊಮಿಕ್ ಚೇರ್
ಲ್ಯಾಪ್ ಟಾಪ್ ಗೆ ಗದ್ದಲ ಕಡಿಮೆ ಮಾಡುವ ಹೆಡ್ ಫೋನ್
ಲ್ಯಾಪ್ ಟಾಪ್ ನಲ್ಲಿ ಸ್ಕೈಪ್, ಝೂಮ್ ಮೀಟಿಂಗ್ ಕಾಮನ್. ಇದಕ್ಕೆ ಒಂದು ಹೆಡ್ ಫೋನ್ ಇದ್ದರೆ ಉತ್ತಮ.
ಮನೆ ಎಂದ ಮೇಲೆ ಮಕ್ಕಳು, ಟಿವಿ, ಕುಕ್ಕರ್, ಮಿಕ್ಸರ್, ಗದ್ದಲ ಇದ್ದದ್ದೇ. ಇನ್ನು ಅಕ್ಕ ಪಕ್ಕದ ಮನೆಗಳದ್ದು ಕೇಳಲೇ ಬೇಡಿ!
ಅವೆಲ್ಲ ನಮ್ಮ ಕಂಟ್ರೋಲ್ ಅಲ್ಲಿ ಇಲ್ಲ. ಅದಕ್ಕೆ ನಾವೇ ಗದ್ದಲ ಕಡಿಮೆ ಮಾಡುವ ಹೆಡ್ ಫೋನ್ ಬಳಸೋಣ ಏನಂತೀರಾ?
3.5 ಆಡಿಯೋ ಜ್ಯಾಕ್ ಗಿಂತ ಯು ಸ್ ಬಿ ಹೆಡ್ ಫೋನ್ ಒಳ್ಳೆಯದು. ಹೆಡ್ ಫೋನ್ ನಿಮ್ಮ ಲ್ಯಾಪ್ ಟಾಪ್ ಜೊತೆ ಕಂಪಾಟಿಬಲ್ ಇದೆ ಎಂದು ಖಚಿತ ಪಡಿಸಿಕೊಳ್ಳಿ.
ಈ ಕೆಳಗಿನ ಹೆಡ್ ಫೋನ್ ನಾನು ಸುಮಾರು ೧೧ ತಿಂಗಳಿಂದ ಬಳಸುತ್ತಿದ್ದೇನೆ. ನನಗೆ ಉತ್ತಮ ಅನುಭವ ನೀಡಿದೆ. ಇದೇ ರೀತಿಯ ಹೆಡ್ ಫೋನ್ ಜಾಬ್ರಾ, ಸೋನಿ ಕಂಪನಿಗಳಿಂದ ಸಹ ಲಭ್ಯವಿದೆ.
ಸೆನ್ ಹೈಸರ್ ಯು ಎಸ್ ಬಿ ಹೆಡ್ ಫೋನ್
ಮೌಸ್
ಲ್ಯಾಪ್ ಟಾಪ್ ಅಲ್ಲಿ ಟಚ್ ಪ್ಯಾಡ್ ಇರುತ್ತೆ ನಿಜ. ಆದರೆ ಬರಿ ಟಚ್ ಪ್ಯಾಡ್ ಗಿಂತ ಜೊತೆಗೆ ಮೌಸ್ ಸಹ ಬಳಸಿದರೆ ಕೈ ಗೆ ಒಳ್ಳೆಯದು.
ಮೌಸ್ ವೈರ್ಡ್ ಅಥವಾ ವೈರ್ ಲೆಸ್ ಆದ್ರೂ ಪರವಾಗಿಲ್ಲ. ಆದರೆ ವೈರ್ ಲೆಸ್ ಮೌಸ್ ಬಳಸಿದರೆ ಉತ್ತಮ ಅನುಭವ ಕೊಡುತ್ತೆ. ನೀವು ತಡ ರಾತ್ರಿ ಕೆಲಸ ಮಾಡುವವರಾದರೆ ಜಾಸ್ತಿ ಕ್ಲಿಕ್ ಸೌಂಡ್ ಮಾಡದ ಸೈಲಂಟ್ ಮೌಸ್ ಒಳ್ಳೆಯದು.
ಪ್ರೋಟ್ರಾನಿಕ್ಸ್ ವೈರ್ ಲೆಸ್ ಮೌಸ್ ಟೋಡ್ ೧೨ - ಬಜೆಟ್
ಲಾಜಿಟೆಕ್ ಎಂ೨೨೧ ಸೈಲಂಟ್ ವೈರ್ ಲೆಸ್ ಮೌಸ್
ವಾಟರ್ ಬಾಟಲ್
ದಿನಕ್ಕೆ ಕನಿಷ್ಟ 1.5 ಯಿಂದ 2 ಲೀಟರ್ ನೀರು ದೇಹಕ್ಕೆ ಒಳ್ಳೆಯದು. ಹಾಗಂತ ಒಮ್ಮೆಲೆ ಗಟ ಗಟ ಎಂದು ಕುಡಿಯುವದಲ್ಲ. ಕೆಲಸದಲ್ಲಿ ಬ್ಯುಸಿ ಇರುವಾಗ ನೀರು ಕುಡಿಯುವದು ಮರೆಯುವದು ಜಾಸ್ತಿ.
ಒಂದು ನೀರಿನ ಬಾಟಲ್ ಪ್ರತಿದಿನ ತುಂಬಿಸಿ ಪಕ್ಕದಲ್ಲೇ ಇಟ್ಟು ಕೊಳ್ಳಿ. ಗಂಟೆಗೊಮ್ಮೆ ಸ್ವಲ್ಪ ಸ್ವಲ್ಪ ಹೀರಿ. ಬಾಟಲ್ ಪ್ಲಾಸ್ಟಿಕ್, ಅಲ್ಯುಮಿನಿಯಂ ಬೇಡ. ಸ್ಟೀಲ್ ಒಳ್ಳೆಯದು.
ಅಮೇಜಾನ್ ಸೋಲಿಮೊ ಸ್ಟೀಲ್ ಬಾಟಲ್ ಒಂದು ಉತ್ತಮ ಸ್ಟೀಲ್ ಬಾಟಲ್ ಗೆ ಉದಾಹರಣೆ.
ಟೇಬಲ್ ಅಥವಾ ಗೋಡೆ ಗಡಿಯಾರ
ಸಮಯ ಈಗೀಗ ಸ್ಮಾರ್ಟ್ ಫೋನ್ ಅಲ್ಲಿ ನೋಡೋದು ಜಾಸ್ತಿ. ಆದರೆ ಸ್ಮಾರ್ಟ್ ಫೋನ್ ಸಮಸ್ಯೆ ಏನೆಂದರೆ ಅಲ್ಲಿ ಮನಸ್ಸನ್ನು ಬೇರೆ ಕಡೆ ಎಳೆಯೋ ಸಾಮಾಜಿಕ ತಾಣಗಳು. ಅಷ್ಟೇ ಅಲ್ಲ ಈಗಾಗಲೇ ಕಂಪ್ಯೂಟರ್ ನೋಡಿ ನೋಡಿ ನಿಮ್ಮ ಕಣ್ಣಿಗೆ ಸುಸ್ತಾಗಿರುತ್ತೆ. ಸಮಯಕ್ಕಾಗಿ ಇನ್ನೊಂದು ಪರದೆ ನೋಡೋ ಗ್ರಹಚಾರ ಬೇಡ.
ಅದಕ್ಕೆ ಒಂದು ಪುಟ್ಟ ಟೇಬಲ್ ಟಾಪ್ ಅಥವಾ ಗೋಡೆ ಗಡಿಯಾರ ಯಾವಾಗಲೂ ಕಾಣುವ ಹಾಗಿರಲಿ.
ಟೇಬಲ್ ಟಾಪ್ ಆದ್ರೆ ಅದರಲ್ಲಿ ಅಲಾರಂ ವ್ಯವಸ್ಥೆ ಸಹ ಇರಲಿ.
ಟೇಬಲ್ ಅಲಾರಂ ಕ್ಲಾಕ್ ಗೆ ಇದೊಂದು ಉದಾಹರಣೆ.
ಉತ್ತಮ ಮೊಬೈಲ್ ಫೋನ್
ಒಂದು ಉತ್ತಮ ಮೊಬೈಲ್ ಫೋನ್ ಸಹ ಇದ್ದರೆ ಒಳ್ಳೆಯದು. ಝೂಮ್ ಕಾಲ್, ವ್ಹಾಟ್ಸ್ ಎಪ್, ಫೋನ್ ಕಾಲ್, ಕ್ಯಾಮೆರಾ ಹೀಗೆ ಹಲವು ಕಡೆ ಇದು ಅತ್ಯವಶ್ಯಕ.
ನನ್ನ ಅನುಭವ ಏನೆಂದರೆ 12 ಸಾವಿರಕ್ಕಿಂತ ಕಡಿಮೆ ಬೆಲೆಯ ಫೋನ್ ಕ್ರಮೇಣ ಸ್ಲೋ ಆಗುತ್ತೆ. ಕಡಿಮೆ ಎಂದರೂ 128 ಜಿಬಿ ಸ್ಟೋರೇಜ್ ಇರಲಿ. ಮಿಡಲ್ ರೇಂಜಿನ್ ಫೋನ್ ನನ್ನ ಪ್ರಕಾರ ಸಾಕು. ತೀರಾ ಪ್ರಿಮಿಯಂ ಫೋನ್ ಬೇಕಿಲ್ಲ. ಪರದೆ ಸೂಪರ್ ಅಮೋಲ್ಡ್ ಇದ್ದರೆ ಕಣ್ಣಿಗೆ ಒಳ್ಳೆಯದು.
ಒಂದಿಷ್ಟು ಉತ್ತಮ ಫೋನ್ ಲಿಸ್ಟ್ ನಿಮಗಾಗಿ. ಇದರಲ್ಲಿ ಹೆಚ್ಚಿನವು ಅಮೋಲ್ಡ್ ಪರದೆ ಇರುವ ಫೋನ್ ಗಳು.
ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಂ೨೧ ೨೦೨೧
ನಿಮ್ಮ ಮೊಬೈಲ್ ಫೋನ್ ಗೆ ಹೆಡ್ ಫೋನ್
ನಿಮ್ಮ ಮೊಬೈಲ್ ಗೂ ಸಹ ಹೆಡ್ ಫೋನ್ ಇದ್ದರೆ ಒಳ್ಳೆಯದು. ಜಾಸ್ತಿ ಫೋನ್ ಅಲ್ಲಿ ಮಾತನಾಡುವಾಗ ಕಿವಿಗೆ ಫೋನ್ ಹಿಡಿದು ರೇಡಿಯೇಶನ್ ಹೀರುವ ಬದಲು ಹೆಡ್ ಫೋನ್ ಬಳಸಿ ಫೋನ್ ದೂರ ಇಟ್ಟುಕೊಳ್ಳುವದು ಒಳ್ಳೆಯದು.
ಕಿವಿಯ ಒಳಗೆ ಹೋಗುವ ಇಯರ್ ಬಡ್ ಗಳಿಗಿಂತ ಕಿವಿಯ ಮೇಲೆ ಇರುವ ಹೆಡ್ ಫೋನ್ ನಿಮ್ಮ ಕಿವಿಯ ಆರೋಗ್ಯಕ್ಕೆ ಉತ್ತಮ.
ನಾನು ಲ್ಯಾಪ್ ಟಾಪ್ ಗೆ ಯು ಎಸ್ ಬಿ ಹೆಡ್ ಫೋನ್ ಹಾಗೂ ಮೊಬೈಲ್ ಗೆ 3.5 ಆಡಿಯೋ ಜ್ಯಾಕ್ ಫೋನ್ ತೆಗೆದುಕೊಂಡೆ. ನೀವು ನಿಮ್ಮ ಫೋನ್ ಹಾಗೂ ಲ್ಯಾಪ್ ಟಾಪ್ ಗೆ ಕಾಮನ್ ಪೋರ್ಟ್ ಯು ಎಸ್ ಬಿ ಸಿ ಇದ್ದರೆ ಒಂದೇ ತೆಗೆದು ಕೊಂಡರೂ ಸಾಕು. ಬ್ಲ್ಯೂ ಟೂತ್ ಹೆಡ್ ಫೋನ್ ಕೂಡಾ ಉತ್ತಮ ಆಯ್ಕೆ.
ಆದರೆ ನನಗೆ ವೈರ್ಡ್ ಹೆಡ್ ಫೋನ್ ಉತ್ತಮ ಏಕೆಂದರೆ ಅವನ್ನು ಪೇರ್ ಮಾಡಿ ಬಳಸುವ ಗೋಜಿಲ್ಲ. ಧ್ವನಿ ಗುಣಮಟ್ಟ ವೈರ್ಡ್ ಹೆಡ್ ಫೋನ್ ಅಲ್ಲಿ ಯಾವಾಗಲೂ ಬ್ಲ್ಯೂ ಟೂತ್ ಗಿಂತ ಉತ್ತಮ ಆಗಿರುತ್ತೆ.
ಯುಎಸ್ ಬಿ ಹೆಡ್ ಫೋನ್ ಅಲ್ಲಿ ನಿಮ್ಮ ಮೈಕ್ ಗುಣಮಟ್ಟ ಚೆನ್ನಾಗಿದ್ದು ಬೇರೆ ಎಲ್ಲರಿಗೂ ನಿಮ್ಮ ಧ್ವನಿ ಸ್ಟಿರಿಯೋ ಫೋನಿಕ್ ಆಗಿ ಕೇಳಿಸುತ್ತೆ.
ನಿಮಗೆ ೩.೫ ಆಡಿಯೋ ಜ್ಯಾಕ್ ಹೆಡ್ ಫೋನ್ ಮೈಕ್ ಜೊತೆ ಬೇಕಿದ್ದರೆ ಸೋನಿ ಎಂಡಿಆರ್ ಎಪಿ೩೧೦ ಕಡೆ ಒಮ್ಮೆ ನೋಡಿ.
ಮೊಬೈಲ್ ಫೋನ್ ಸ್ಟ್ಯಾಂಡ್
ಝೂಮ್ ಅಥವಾ ವಾಟ್ಸ್ ಎಪ್ ಅಥವಾ ಸ್ಕೈಪ್ ವಿಡಿಯೋ ಕಾಲ್ ಸಂದರ್ಭದಲ್ಲಿ ಮೊಬೈಲ್ ಸ್ಟಾಂಡ್ ಬಳಸಿದರೆ ಮೊಬೈಲ್ ಸರಿಯಾದ ಕೋನದಲ್ಲಿ ನಿಂತಿದ್ದು ವಿಡಿಯೋ ಚೆನ್ನಾಗಿ ಬರುತ್ತೆ.
ಇದು ಬೇಡ ಎಂದರೆ ಒಂದಿಷ್ಟು ಪುಸ್ತಕ ಬಳಸಿ ಕೂಡಾ ಫೋನ್ ಬ್ಯಾಲೆನ್ಸ್ ಮಾಡಿ ಇಡಬಹುದು.
ಈ ಮೊಬೈಲ್ ಸ್ಟ್ಯಾಂಡ್ ಒಮ್ಮೆ ವೀಕ್ಷಿಸಿ.
ಅಂಟುವ ನೋಟ್ಸ್
ಆಫೀಸಿನ ಕೆಲಸ ಜೊತೆಗೆ ಮನೆಯ ಹಲವು ಕೆಲಸ ಕೂಡಾ ಮ್ಯಾನೆಜ್ ಮಾಡುವದು ಸುಲಭ ಅಲ್ಲ. ಮುಖ್ಯ ಕೆಲಸ, ದಿನಗಳು, ಫೋನ್ ಅಥವಾ ಮೀಟಿಂಗ್ ನಂಬರ್ ಗಳು ಇತ್ಯಾದಿಗಳನ್ನು ಅಂಟುವ ನೋಟ್ಸ್ ಬಳಸಿ ಬರೆದಿಡಬಹುದು.
ನಿಮ್ಮ ಕಂಪ್ಯೂಟರ್ ಅಲ್ಲೇ ಇರುವ ಸ್ಟಿಕಿ ನೋಟ್ಸ್ ಎಪ್ ಅನ್ನೇ ಬಳಸಿ ಬೇಡ ಅಂದವರು ಯಾರು? ;)
400 ಶೀಟ್ ಇರುವ ಬಣ್ಣ ಬಣ್ಣ ದ ಸ್ಟಿಕಿ ನೋಟ್ಸ್ ಗಳು ಇಲ್ಲಿವೆ.
ಪೆನ್ ಹಾಗೂ ನೋಟ್ ಪ್ಯಾಡ್
ಪೆನ್ ಮತ್ತು ನೋಟ್ ಪ್ಯಾಡ್ ಯಾವಾಗಲೂ ಇರಲಿ. ಟೆಕ್ ಸಪೋರ್ಟ್ ನಂಬರ್, ಮೀಟಿಂಗ್ ಐಡಿ, ಚರ್ಚೆ ಮಾಡಬೇಕಾದ ಪಾಯಿಂಟ್ ನಂತಹ ತುಂಬಾ ಉಪಯುಕ್ತ ಮಾಹಿತಿ ಬರೆದಿಡಿ.
ಕಂಪ್ಯೂಟರ್ ಅಲ್ಲೂ ಸಹ ಬರೆದಿಡಬಹುದು. ಆದರೆ ಅದನ್ನು ನೋಡಲು ಲಾಗಿನ್ ಆಗಬೇಕು. ಮೊಬೈಲ್ ಅಲ್ಲಿ ಸ್ಟೋರ್ ಮಾಡಿಟ್ಟರೂ ಒಕೆ.
ಕಾಫಿ ಮಗ್
ನೀವು ಟೀ / ಕಾಫಿ ಕುಡಿಯುತ್ತೀರಾ? ಹಾಗಿದ್ದರೆ ಒಂದು ಉತ್ತಮ ಕಾಫಿ ಮಗ್ ಜೊತೆಗಿರಲಿ.
ಒಂದು ಸ್ಯಾಂಪಲ್ ಕಾಫೀ ಮಗ್ ಇಲ್ಲಿದೆ.
ಯೋಗ ಮ್ಯಾಟ್
ದಿನಕ್ಕೊಮ್ಮೆ ತಪ್ಪದೇ ಕನಿಷ್ಟ 30 ನಿಮಿಷ ಯೋಗ / ಲಘು ವ್ಯಾಯಾಮ ಮಾಡಿ. ಅದಕ್ಕೆ ಒಂದು ಯೋಗ ಮ್ಯಾಟ್ ಖರೀದಿಸಿ.
ಟ್ರೆಸ್ಕಾ ಯೋಗಾ ಮ್ಯಾಟ್ - ಪ್ರಿಮಿಯಂ
ಸ್ಮಾರ್ಟ್ ವಾಚ್
ಆರೋಗ್ಯದ ಟ್ರ್ಯಾಕ್ ಮಾಡುವ ಸ್ಮಾರ್ಟ್ ವಾಚ್ ಅಥವಾ ಫಿಟ್ನೆಸ್ ವಾಚ್ ಇದ್ದರೆ ಉತ್ತಮ. ತುಂಬಾ ದುಬಾರಿ ಆಗಬೇಕಿಲ್ಲ. ಆದರೆ ಕನಿಷ್ಟ ಹೆಜ್ಜೆಯನ್ನು ಲೆಕ್ಕ ಮಾಡುವ ಹಾಗೂ ಜಾಸ್ತಿ ದಿನ ಚಾರ್ಜ್ ಬರುವಂತಹ ವಾಚ್ ಆಗಿರಲಿ.
ಪ್ರತಿದಿನ ಕನಿಷ್ಟ 4000-5000 ಹೆಜ್ಜೆಯ ಗುರಿ ಇಟ್ಟು ಕೊಂಡು ಪೂರೈಸಿದರೆ ಉತ್ತಮ.
ಎಂಐ ಸ್ಮಾರ್ಟ್ ಬ್ಯಾಂಡ್ ಅನ್ನು ಚೆಕ್ ಮಾಡಿ.
ಪ್ರಿಂಟರ್
ನಿಮ್ಮ ದಿನ ನಿತ್ಯದ ಕೆಲಸದಲ್ಲಿ ಪದೇ ಪದೇ ಪ್ರಿಂಟಿಂಗ್ ಮಾಡುವ ಅಗತ್ಯ ಇದೆಯಾ? ಪುಟಗಳನ್ನು ಮುದ್ರಿಸಲು ಅಥವಾ ಜೆರಾಕ್ಸ್ ಮಾಡಲು ಮಲ್ಟಿ ಪರ್ಪೋಸ್ ಕಲರ್ ಪ್ರಿಂಟರ್ ಇಟ್ಟುಕೊಳ್ಳಿ.
ಅಪರೂಪಕ್ಕೆ ಬಳಸುವವರಾದರೆ ಬೇಕಾದಾಗ ಹೊರಗಡೆ ಅಂಗಡಿಯಲ್ಲಿ ಪ್ರಿಂಟ್ ಮಾಡಿಸಿಕೊಂಡರೆ ಸಾಕು.
ಇಷ್ಟೇ ಅಲ್ಲ ಡ್ಯುಯಲ್ ಮಾನಿಟರ್, ಕೀಬೋರ್ಡ್ ಇದನ್ನೂ ಕೂಡಾ ಈ ಲಿಸ್ಟ್ ಗೆ ಸೇರಿಸಬಹುದು. ನಿಮ್ಮ ಅಗತ್ಯ ಏನಿದೆಯೋ ಅದರ ಪ್ರಕಾರ ಖರೀದಿಸಿ ನಿಮ್ಮ ಹೋಂ ಆಫೀಸ್ ಸೆಟ್ ಮಾಡಿ.
ಕೊನೆಯ ಮಾತು
ವರ್ಕ್ ಫ್ರಮ್ ಹೋಂ ಅನ್ನುವದು ಉದ್ಯೋಗಿಗಳಿಗೆ ಒಂದು ವರದಾನ ಎಂದರೂ ತಪ್ಪಿಲ್ಲ. ನಗರಗಳಲ್ಲಿ ಟ್ರಾಫಿಕ್ ಜಂಟಾಟ ತಪ್ಪಿಸಿ ಆ ಸಮಯವನ್ನು ಮನೆಯ ಸಲುವಾಗೋ ಅಥವಾ ಕೆಲಸಕ್ಕೋ ಬಳಸಬಹುದಾಗಿದೆ.
ಒಂದಿಷ್ಟು ಮನೆಯಲ್ಲಿ ಮೂಲಭೂತ (ಬೇಸಿಕ್) ವ್ಯವಸ್ಥೆ ಮಾಡಿಕೊಂಡರೆ ಆರೋಗ್ಯದ ಸಮಸ್ಯೆ ಸಹ ಇರದು.
ಯಾವುದಕ್ಕೂ ಹಾಸಿಗೆ ಇದ್ದಷ್ಟೇ ಕಾಲು ಚಾಚಿ. ತೀರಾ ದುಬಾರಿ ವಸ್ತುಗಳ ಖರೀದಿ ಬೇಡ.
ನೀವು ಯಾವ ರೀತಿಯಲ್ಲಿ ವರ್ಕ್ ಫ್ರಮ್ ಹೋಂ ಗೆ ಸಜ್ಜು ಗೊಳಿಸಿಕೊಂಡಿದ್ದೀರಾ? ನಿಮ್ಮ ಹೋಂ ಆಫೀಸಲ್ಲಿ ಇನ್ನೇನಾದರೂ ಬೇರೆ ವಸ್ತುಗಳನ್ನು ಬಳಸುತ್ತಿದ್ದೀರಾ? ಕಮೆಂಟ್ ಹಾಕಿ ತಿಳಿಸಿ.
ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.
ಬನ್ನಿ ಕಂಪ್ಯೂಟರ್, ಸ್ಮಾರ್ಟ್ ಫೋನ್ ಬಗ್ಗೆ ತಿಳಿಯೋಣ.
ಕಾಮೆಂಟ್‌ಗಳಿಲ್ಲ
ಕಾಮೆಂಟ್‌ ಪೋಸ್ಟ್ ಮಾಡಿ
ನಿಮ್ಮ ಅನಿಸಿಕೆ ಏನು? ತಿಳಿಸಿ.