ಕಂಪ್ಯೂಟರ್ ಯಂತ್ರದಲ್ಲಿ ಹಲವು ಬಿಡಿ ಭಾಗಗಳಿವೆ. ಅವು ಯಾವವು? ಅವುಗಳ ಕೆಲಸ ಏನು? ಅನ್ನುವದನ್ನು ಇಲ್ಲಿ ತಿಳಿಯೋಣ.
{tocify} $title={ವಿಷಯ ಸೂಚಿ}
ಕಂಪ್ಯೂಟರ್ ನ ಬಿಡಿ ಭಾಗಗಳು
ಕಂಪ್ಯೂಟರ್ ನ ಬಿಡಿಭಾಗಗಳನ್ನು ಈ ರೀತಿ ವಿಂಗಡಿಸಬಹುದು.
- ಇನ್ ಪುಟ್ ಸಾಧನ
- ಔಟ್ ಪುಟ್ ಸಾಧನ
- ಸಿಪಿಯು ಯುನಿಟ್
ಈ ಎಲ್ಲ ಬಿಡಿ ಭಾಗಗಳು ಎಲ್ಲ ರೀತಿಯ ಕಂಪ್ಯೂಟರ್ ಅಲ್ಲಿ ಇದ್ದೇ ಇರುತ್ತೆ. ಅದು ಡೆಸ್ಕ್ ಟಾಪ್, ಲ್ಯಾಪ್ ಟಾಪ್ ಅಥವಾ ಸ್ಮಾರ್ಟ್ ಫೋನ್, ಸ್ಮಾರ್ಟ್ ವಾಚ್ ಆಗಿರಬಹುದು. ಅಷ್ಟೇ ಅಲ್ಲ ಸ್ಮಾರ್ಟ್ ಟಿವಿ, ಫ್ರಿಡ್ಜ್, ಕಾರು ಅವುಗಳಲ್ಲಿರುವ ಕಂಪ್ಯೂಟರ್ ಗಳಲ್ಲೂ ಈ ಎಲ್ಲ ಬಿಡಿ ಭಾಗ ಇದ್ದೇ ಇರುತ್ತೆ.
ಆದರೆ ಇನ್ಪುಟ್, ಔಟ್ ಪುಟ್ ಸಾಧನ ಬೇರೆ ಇರುತ್ತೆ. ಉದಾಹರಣೆಗೆ ಸ್ಮಾರ್ಟ್ ಟಿವಿಯಲ್ಲಿ ಮೈಕ್ರೋ ಫೋನ್ ಹಾಗೂ ರಿಮೋಟ್ ಕಂಟ್ರೋಲ್ ಇನ್ಪುಟ್ ಸಾಧನ, ಕಾರಲ್ಲಿ, ಫ್ರಿಡ್ಜ್ ಅಲ್ಲಿ ಹಲವು ಸೆನ್ಸರ್ ಗಳು ಇನ್ ಪುಟ್ ತರಹ ಕೆಲಸ ಮಾಡುತ್ತವೆ.
ಬನ್ನಿ ಕಂಪ್ಯೂಟರ್ ಬಿಡಿ ಭಾಗಗಳ (ಪಾರ್ಟ್ಸ್) ಬಗ್ಗೆ ತಿಳಿಯೋಣ.
ಇನ್ ಪುಟ್ ಸಾಧನ
ಕಂಪ್ಯೂಟರ್ ಗೆ ಆಜ್ಞೆಗಳನ್ನು ನಾವು ಕೊಡಬೇಕು. ಅದು ತನ್ನ ಸುತ್ತಲಿನ ಮಾಹಿತಿ ತಿಳಿಯಬೇಕು. ಅಷ್ಟೇ ಅಲ್ಲ ಟೆಕ್ಸ್ಟ್ (ಅಕ್ಷರ), ವಿಡಿಯೋ, ಆಡಿಯೋ ಇತ್ಯಾದಿಗಳು ಅದಕ್ಕೆ ಕೊಡಬೇಕು. ಅದು ಹೇಗೆ ಸಾಧ್ಯ? ಅದು ಈ ಇನ್ಪುಟ್ ಡಿವೈಸ್ (ಸಾಧನ) ಗಳಿಂದ ಸಾಧ್ಯ.
ಇನ್ಪುಟ್ ಸಾಧನಗಳು ಕೊಟ್ಟ ಮಾಹಿತಿ ಯನ್ನು ಗ್ರಹಿಸಿ ಡಿಜಿಟಲ್ ರೂಪದಲ್ಲೋ ಅಥವಾ ಅನಾಲಾಗ್ ರೂಪದಲ್ಲಿ ಬದಲಾಯಿಸಿ ಕಂಪ್ಯೂಟರ್ ಗೆ ನೀಡುತ್ತದೆ.
ಇವಕ್ಕೆ ಅಂತರ್ ಅಥವಾ ಒಳಮುಖ ಸಾಧನ ಕೂಡಾ ಎನ್ನಬಹುದು.
ಇನ್ಪುಟ್ ಸಾಧನಗಳಿಗೆ ಉದಾಹರಣೆಗಳು
- ಕೀಲಿಮಣೆ (ಕೀಬೋರ್ಡ್)
- ಮೂಷಕ (ಮೌಸ್)
- ಡಿಜಿಟಲ್ ಟ್ಯಾಬ್ಲೆಟ್
- ಟಚ್ ಸ್ಕ್ರೀನ್
- ಮೈಕ್ರೋ ಫೋನ್
- ವೆಬ್ ಕ್ಯಾಮೆರಾ
- ಫಿಂಗರ್ ಪ್ರಿಂಟ್ ರೀಡರ್ (ಬೆರಳಚ್ಚು ಗ್ರಾಹಕ)
- ಟಚ್ ಪ್ಯಾಡ್
- ಬಾರ್ ಕೋಡ್ ರೀಡರ್
ಔಟ್ ಪುಟ್ ಸಾಧನ
ಕಂಪ್ಯೂಟರ್ ಬಳಸುವಾಗ ಅದು ಏನನ್ನು ಸಂಸ್ಕರಿಸ್ತಾ ಇದೆ? ನಾವು ಕೊಟ್ಟ ಇನ್ ಪುಟ್ ಮಾಹಿತಿ ಏನು? ಇದೆಲ್ಲಾ ತಿಳಿಯುವದು ಹೇಗೆ? ಅದಕ್ಕೆ ಔಟ್ ಪುಟ್ ಸಾಧನ ಬೇಕು. ಅಲ್ವಾ?
ಔಟ್ ಪುಟ್ ಸಾಧನ ಕಂಪ್ಯೂಟರ್ ಪ್ರಾಸೆಸ್ ಮಾಡಿದ ಅಕ್ಷರ, ಚಿತ್ರ, ವಿಡಿಯೋ, ಆಡಿಯೋ ಮೊದಲಾದ ಕಂಟೆಂಟ್ ಅನ್ನು ನಾವು ನೋಡಲು/ಕೇಳಲು ಅನುಕೂಲ ಮಾಡಿ ಕೊಡುತ್ತದೆ.
ಇವಕ್ಕೆ ಬಹಿರ್ ಅಥವಾ ಹೊರಮುಖ ಸಾಧನ ಕೂಡಾ ಹೇಳಬಹುದು.
- ಮಾನಿಟರ್ / ಪರದೆ / ಡಿಸ್ಪ್ಲೇ
- ಸ್ಪೀಕರ್ (ಧ್ವನಿ ವರ್ಧಕ)
- ಪ್ರಿಂಟರ್
ಸಿಪಿಯು ಯುನಿಟ್
ಸಿಪಿಯು ಯುನಿಟ್ ಕಂಪ್ಯೂಟರ್ ನ ಹೃದಯ / ಮೆದುಳು ಎಲ್ಲ. ಇದು ಇಡೀ ಕಂಪ್ಯೂಟರ್ ಬಿಡಿ ಭಾಗ ಗಳಿಗೆ ಬೇಕಾದ ಪವರ್ ನೀಡುತ್ತದೆ.
ಅಷ್ಟೇ ಅಲ್ಲ ಮಾಹಿತಿಯನ್ನು ಇನ್ಪುಟ್ ಸಾಧನಗಳಿಂದ ಪಡೆದು ಸಾಫ್ಟವೇರ್ ಆದೇಶದಂತೆ ಸಂಸ್ಕರಿಸಿ (ಪ್ರಾಸೆಸ್ ಮಾಡಿ) ರಕ್ಷಿಸುತ್ತದೆ ಹಾಗೂ ಔಟ್ ಪುಟ್ ಸಾಧನಗಳಲ್ಲಿ ಪ್ರದರ್ಶಿಸುತ್ತದೆ.
ಸಿಪಿಯು ಮುಖ್ಯ ಕೆಲಸ
- ಮಾಹಿತಿ ಸಂಸ್ಕರಿಸಿ ಲೆಕ್ಕಾಚಾರ ಹಾಗೂ ಲಾಜಿಕ್ (ತರ್ಕ) ಆಧಾರದ ಮೇಲೆ ನಿರ್ಧಾರ ತೆಗೆದುಕೊಳ್ಳುವದು.
- ಇನ್ ಪುಟ್ ಹಾಗೂ ಔಟ್ ಪುಟ್ ಸಾಧನಗಳನ್ನು ನಿಯಂತ್ರಿಸುವದು ಹಾಗೂ ವಿದ್ಯುತ್ ನೀಡುವದು.
- ಮಾಹಿತಿಯನ್ನು ರಕ್ಷಿಸುವದು
- ಮಾಹಿತಿಯನ್ನು ಅಂತರ್ಜಾಲಕ್ಕೆ ಕಳುಹಿಸುವದು ಮತ್ತು ಪಡೆಯುವದು.
ಸಿಪಿಯು ಉಪ ಭಾಗಗಳು
ಸಿಪಿಯು ಎಂದರೆ ಸೆಂಟ್ರಲ್ ಪ್ರಾಸೆಸಿಂಗ್ ಯುನಿಟ್ / ಕೇಂದ್ರೀಯ ಸಂಸ್ಕರಣಾ ವಿಭಾಗ.
ಸಿಪಿಯು ಯುನಿಟ್ ಅಲ್ಲಿ ಮುಖ್ಯವಾಗಿ ಈ ಉಪ ಭಾಗಗಳಿವೆ.
- ಮದರ ಬೋರ್ಡ್
- ಸಿಪಿಯು (ಸೆಂಟ್ರಲ್ ಪ್ರಾಸೆಸಿಂಗ್ ಯುನಿಟ್ / ಕೇಂದ್ರೀಯ ಸಂಸ್ಕರಣಾ ವಿಭಾಗ)
- ಜಿಪಿಯು (ಗ್ರಾಫಿಕ್ಸ್ ಪ್ರಾಸೆಸಿಂಗ್ ಯುನಿಟ್ / ದೃಶ್ಯ ಸಂಸ್ಕರಣಾ ವಿಭಾಗ)
- ರಾಮ್ ಮೆಮರಿ
- ರೊಮ್ ಮೆಮರಿ
- ಪವರ್ ಸಪ್ಲೈ / ಬ್ಯಾಟರಿ
- ಸ್ಟೋರೇಜ್ ಸಾಧನ - ಎಸ್ ಎಸ್ ಡಿ ಹಾಗೂ ಹಾರ್ಡ್ ಡಿಸ್ಕ್
- ಕೂಲಿಂಗ್ ಸಾಧನ - ಫ್ಯಾನ್ ಅಥವಾ ಬೇರೆ ವಿಧಾನ
ಬಿಡಿ ಭಾಗಗಳ ಕೆಲಸಗಳು
ಬನ್ನಿ ಈ ಬಿಡಿ ಭಾಗಗಳು ಏನು ಕೆಲಸಕ್ಕೆ ಉಪಯುಕ್ತ ಅನ್ನುವದನ್ನು ನೋಡೋಣ.
| ಬಿಡಿ ಭಾಗ ವಿಧ | ಬಿಡಿ ಭಾಗ ಹೆಸರು | ಕೆಲಸ |
|---|---|---|
| ಇನ್ ಪುಟ್ | ಕೀಲಿಮಣೆ | ಅಕ್ಷರ ಹಾಗೂ ಕಮಾಂಡ್ ನೀಡುವದು. ಪವರ್ ಬಟನ್ ಸಹಾ ಇರುತ್ತೆ. ಕೆಲವು ಕೀಲಿಮಣೆಗಳಲ್ಲಿ ಫಿಂಗ ಪ್ರಿಂಟ್ ರೀಡರ್ ಕೂಡಾ ಇರುತ್ತೆ. |
| ಇನ್ ಪುಟ್ | ಮೌಸ್ | ಪರದೆಯ ಯಾವುದೇ ಭಾಗದಲ್ಲಿ ಪಾಯಿಂಟ್ ಮಾಡಿ ಅಲ್ಲಿ ಕ್ಲಿಕ್, ಡ್ರ್ಯಾಗ್ ಮತ್ತು ಡ್ರಾಪ್, ಸ್ಕ್ರಾಲ್ ಇತ್ಯಾದಿ ಕೆಲಸ ಮಾಡಬಹುದು. |
| ಇನ್ ಪುಟ್ | ಮೈಕ್ರೋ ಫೋನ್ | ಮಾತಿನಿಂದ ಆಜ್ಞೆ ನೀಡಬಹುದು, ಆಡಿಯೋ ರೆಕಾರ್ಡಿಂಗ್, ವಿಡಿಯೋ ಅಥವಾ ಆಡಿಯೋ ಕಾಲ್ ಮಾಡಬಹುದು. |
| ಇನ್ ಪುಟ್ | ಕ್ಯಾಮರಾ | ವಿಡಿಯೋ ಕಾಲ್ ಮಾಡಬಹುದು. |
| ಇನ್ ಪುಟ್ | ಡಿಜಿಟಲ್ ಟ್ಯಾಬ್ಲೆಟ್ | ಚಿತ್ರ ಬಿಡಿಸಲು ಇದನ್ನು ಬಳಸುತ್ತಾರೆ |
| ಇನ್ ಪುಟ್ | ಟಚ್ ಪ್ಯಾಡ್ | ಪ್ರಮುಖವಾಗಿ ಲ್ಯಾಪ್ ಟಾಪ್ ಅಲ್ಲಿ ಇದನ್ನು ಬಳಸುತ್ತಾರೆ. ಇದು ಮೌಸ್ ಹಾಗೆ ಕ್ಲಿಕ್, ಡಬಲ್ ಕ್ಲಿಕ್, ಕರ್ಸರ್ ಮೂವ್ ಮಾಡಲು, ಡ್ರ್ಯಾಗ್ ಮತ್ತು ಡ್ರಾಪ್ ಎಲ್ಲ ಕೆಲಸಗಳಿಗೆ ಬಳಸಬಹುದು. |
| ಇನ್ ಪುಟ್ | ಟಚ್ ಸ್ಕ್ರೀನ್ | ಸ್ಮಾರ್ಟ್ ಫೋನಲ್ಲಿ ಇದು ಪ್ರಮುಖ ಇನ್ ಪುಟ್ ಆಗಿದೆ. ಹಲವು ಲ್ಯಾಪ್ ಟಾಪ್ ಗಳು ಕೂಡಾ ಟಚ್ ಸ್ಕ್ರೀನ್ ಜೊತೆಗೆ ಬರುತ್ತದೆ. |
| ಔಟ್ ಪುಟ್ | ಮಾನಿಟರ್ | ದೃಶ್ಯ ನೋಡಲು, ಅಕ್ಷರ ಓದಲು |
| ಔಟ್ ಪುಟ್ | ಸ್ಪೀಕರ್ | ಧ್ವನಿ ಕೇಳಲು, ವಿಡಿಯೋ / ಆಡಿಯೋ ಕಾಲ್ ಮಾಡಲು |
| ಔಟ್ ಪುಟ್ | ಪ್ರಿಂಟರ್ | ಮುದ್ರಣ / ಪ್ರಿಂಟ್ ಮಾಡಲು |
| ಸಿಪಿಯು ಯುನಿಟ್ | ಮದರ್ ಬೋರ್ಡ್ | ಇದು ಮುಖ್ಯ ಪ್ರಿಂಟಡ್ ಸರ್ಕ್ಯೂಟ್ ಬೋರ್ಡ್ ಆಗಿದ್ದು ಇದರಲ್ಲಿ ಸಿಪಿಯು, ಜಿಪಿಯು, ರಾಮ್ ಮೆಮರಿ, ರೊಮ್ ಮೆಮರಿ ಹಾಕುವದಕ್ಕೆ ಜಾಗ ಇರುತ್ತದೆ. ಅಷ್ಟೇ ಅಲ್ಲ ವಿವಿಧ ಪೋರ್ಟ್ ಗಳಿಗೆ, ವೈ ಫೈ, ಬ್ಲ್ಯೂಟೂತ್ ಗೆ ಬೇಕಾದ ಚಿಪ್ ಗಳು ಸಹ ಇಲ್ಲಿರುತ್ತದೆ. ಇತ್ತೀಚೆಗೆ ಸಿಸ್ಟೆಮ್ ಆನ್ ಚಿಪ್ ಅಂದರೆ ಒಂದೇ ಚಿಪ್ ಅಲ್ಲಿ ಎಲ್ಲವೂ ಇರುವ ವ್ಯವಸ್ಥೆ ಬಂದಿದ್ದು ಸ್ಮಾರ್ಟ್ ಫೋನ್ ಹಾಗೂ ಲ್ಯಾಪ್ ಟಾಪ್ ಅಲ್ಲಿ ಇದನ್ನು ಬಳಸಲಾಗುತ್ತಿದೆ. ಆದ್ದರಿಂದ ಮದರ ಬೋರ್ಡ್ ಗಾತ್ರ ಚಿಕ್ಕದಾಗುತ್ತಿದೆ. |
| ಸಿಪಿಯು ಯುನಿಟ್ | ಸಿಪಿಯು | ಇದು ಕಂಪ್ಯೂಟರ್ ನ ಮೆದುಳು ಎಂದರೆ ತಪ್ಪಲ್ಲ. ಎಲ್ಲ ಮಾಹಿತಿ ಸಂಸ್ಕರಿಸುವದು, ಪ್ರೋಗ್ರಾಮ್ ಗಳಲ್ಲಿರುವ ಆಜ್ಞೆಗಳನ್ನು ಚಾಚೂ ತಪ್ಪದೆ ನಿರ್ವಹಿಸುವದು ಇದರ ಮುಖ್ಯ ಕೆಲಸ. |
| ಸಿಪಿಯು ಯುನಿಟ್ | ಜಿಪಿಯು | ಇದು ದೃಶ್ಯ ಗಳಾದ ವಿಡಿಯೋ ಹಾಗೂ ಫೋಟೋ ಪ್ರಾಸೆಸಿಂಗ್ ಗೆ, ೩ಡಿ ರೆಂಡರಿಂಗ್, ವಿಡಿಯೋ ಗೇಮ್ ಗಳಂತಹ ಕೆಲಸಗಳಲ್ಲಿ ಜಿಪಿಯು ಬಳಕೆ ಆಗುತ್ತದೆ. ಹೆಚ್ಚಿನ ಆಧುನಿಕ ಸಿಪಿಯು ಒಳಗೇ ಇಂಟರ್ನಲ್ ಜಿಪಿಯು ಇರುತ್ತದೆ. ಆದರೆ ಶಕ್ತಿಶಾಲಿ ಜಿಪಿಯುಗಳು ಪ್ರತ್ಯೇಕವಾಗಿರುತ್ತದೆ. |
| ಸಿಪಿಯು ಯುನಿಟ್ | ರಾಮ್ ಮೆಮರಿ | ಇದು ಆಪರೇಟಿಂಗ್ ಸಿಸ್ಟೆಮ್ ಹಾಗೂ ಬಳಸುತ್ತಿರುವ ಅಪ್ಲಿಕೇಶನ್ ಗಳ ಪ್ರೋಗ್ರಾಮ್ ಹಾಗೂ ಡಾಟಾ ಅನ್ನು ಹಿಡಿದಿಡುತ್ತದೆ. ಇದರಿಂದ ಕಂಪ್ಯೂಟರ್ ವೇಗ ಹೆಚ್ಚುತ್ತದೆ. |
| ಸಿಪಿಯು ಯುನಿಟ್ | ರೊಮ್ ಮೆಮರಿ | ಇದು ಬಯೋಸ್(BIOS) ಗೆ ಸಂಬಂಧಿಸಿದ ಆಜ್ಞೆ ಹಾಗೂ ಡಾಟಾ ಅನ್ನು ಇಟ್ಟು ಕೊಂಡಿರುತ್ತೆ. ಯಾವುದೇ ಕಂಪ್ಯೂಟರ್ ಆನ್ ಮಾಡಿದಾಗ ಈ ಸಾಫ್ಟವೇರ್ ಮೊದಲು ಲೋಡ್ ಆಗಿ ಎಲ್ಲ ಇನ್ ಪುಟ್, ಔಟ್ ಪುಟ್ ಸರಿಯಿದೆಯೇ ಪರೀಕ್ಷಿಸಿ ಆಮೇಲೆ ಆಪರೇಟಿಂಗ್ ಸಿಸ್ಟೆಮ್ ಲೋಡ್ ಆಗುವದು. |
| ಸಿಪಿಯು ಯುನಿಟ್ | ಪವರ್ ಸಪ್ಲೈ / ಬ್ಯಾಟರಿ | ಇದು ಕಂಪ್ಯೂಟರ್ ನ ಎಲ್ಲ ಬಿಡಿ ಭಾಗಗಳಿಗೆ ಬೇಕಾದ ವಿದ್ಯುತ್ ನೀಡುತ್ತೆ. ಸ್ಮಾರ್ಟ್ ಫೋನ್ ಹಾಗೂ ಲ್ಯಾಪ್ ಟಾಪ್ ಅಲ್ಲಿ ಬ್ಯಾಟರಿ ಇದ್ದು ಅಡಾಪ್ಟರ್ ಮೂಲಕ ಚಾರ್ಜ್ ಆಗುತ್ತೆ. |
| ಸಿಪಿಯು ಯುನಿಟ್ | ಸ್ಟೋರೇಜ್ ಸಾಧನ | ಹಾರ್ಡ್ ಡಿಸ್ಕ್ ಹಾಗೂ ಎಸ್ ಎಸ್ ಡಿ ಗಳು ಮುಖ್ಯವಾದ ಸ್ಟೋರೇಜ್ ಸಾಧನಗಳು. ಹಳೆಯ ಕಾಲದಲ್ಲಿ ಪಂಚ್ಡ್ ಕಾರ್ಡ್, ಟೇಪ್, ಸಿಡಿ ಡ್ರೈವ್ ಮೊದಲಾದ ಸಾಧನ ಬಳಸುತ್ತಿರು. ಈಗಲು ದೊಡ್ಡ ದೊಡ್ಡ ಡಾಟಾ ಸೆಂಟರ್ ಗಳು ಟೇಪ್ ಮಾಧ್ಯಮವನ್ನು ಬಳಸುತ್ತಿವೆ. |
ಇವೆಲ್ಲ ಸಾಧನ / ಬಿಡಿ ಭಾಗಗಳ ಬಗ್ಗೆ ದೊಡ್ಡ ಕಥೆನೇ ಇದೆ. ಪ್ರತ್ಯೇಕ ಲೇಖನಗಳಲ್ಲಿ ವಿವರವಾಗಿ ಹೇಳ್ತಿನಿ. ಆಯ್ತಾ?
ಕಂಪ್ಯೂಟರ್ ನ ಅನುಕೂಲ ಹಾಗೂ ಕೊರತೆಗಳ ಬಗ್ಗೆ ಮುಂದಿನ ಲೇಖನದಲ್ಲಿ ತಿಳಿಯೋಣ.
ಚಿತ್ರಕೃಪೆ: Martin Garrido on Unsplash
ಚಿತ್ರಕೃಪೆ: Oscar Ivan Esquivel Arteaga on Unsplash
ಚಿತ್ರಕೃಪೆ: Jon Tyson on Unsplash
ಚಿತ್ರಕೃಪೆ: Dose Media on Unsplash
ಚಿತ್ರಕೃಪೆ: Galymzhan Abdugalimov on Unsplash
ಚಿತ್ರಕೃಪೆ: Kitai Jogia on Unsplash
ಚಿತ್ರಕೃಪೆ: Paul Esch-Laurent on Unsplash
ಚಿತ್ರಕೃಪೆ: Mahrous Houses on Unsplash
ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.
ಬನ್ನಿ ಕಂಪ್ಯೂಟರ್, ಸ್ಮಾರ್ಟ್ ಫೋನ್ ಬಗ್ಗೆ ತಿಳಿಯೋಣ.
ಕಾಮೆಂಟ್‌ಗಳಿಲ್ಲ
ಕಾಮೆಂಟ್‌ ಪೋಸ್ಟ್ ಮಾಡಿ
ನಿಮ್ಮ ಅನಿಸಿಕೆ ಏನು? ತಿಳಿಸಿ.