ಇಂದು ಎಷ್ಟೋ ಜನಕ್ಕೆ ಸಾಫ್ಟವೇರ್ ಕಂಪನಿಯಲ್ಲಿ ಯಾವ ಯಾವ ರೀತಿಯ ಕೆಲ್ಸ ಇರುತ್ತೆ ಅನ್ನುವ ಕುತೂಹಲ ಇದೆ ಅಲ್ವಾ? ದಿನವಿಡಿ ಎಸಿ ರೂಂ ಅಲ್ಲಿ ಕುಳಿತು ಏನು ಮಾಡ್ತಾರೆ? ಅದೇನು ಕಡಿದು ಗುಡ್ಡೆ ಹಾಕ್ತಾರೆ ಅನ್ನುವ ಪ್ರಶ್ನೆ. ಅಲ್ವಾ? ಬನ್ನಿ ಈ ಲೇಖನದಲ್ಲಿ ಇಲ್ಲಿ ಕೆಲ್ಸ ಮಾಡುವವರ ರೋಲ್ ಬಗ್ಗೆ ತಿಳಿಯೋಣ.
{tocify} $title={ವಿಷಯ ಸೂಚಿ}
ಸಾಫ್ಟವೇರ್ ಕಂಪನಿ ಅರ್ಥಾತ್ ಐಟಿ ಕಂಪನಿ ಯೂ ಕೂಡಾ ಬೇರೆ ಕಂಪನಿ ತರಹನೇ. ಆದರೆ ಇಲ್ಲಿ ಕಂಪ್ಯೂಟರ್ ಗಳೇ ಮಶೀನುಗಳು. ಇಲ್ಲಿ ದೊಡ್ಡ ಕಂಪ್ಯೂಟರ್ ಎಂದರೆ ಒಂದು ಎಸಿ ರೂಂ ಅಲ್ಲಿ ಮೇನ್ ಫ್ರೇಂ ಅನ್ನೋ ಬ್ಲೇಡ್ ಸರ್ವರ್ ಗಳನ್ನೋ ಅಥವಾ ಡಾಟಾ ಸೆಂಟರ್ ಗಳನ್ನು ಇಡುತ್ತಾರೆ.
ಉದ್ಯೋಗಿಗಳು ಇವುಗಳನ್ನು ರಿಮೋಟ್ ಕನೆಕ್ಷನ್ ಮೂಲಕ ಲ್ಯಾಪ್ ಟಾಪ್ ಅಥವಾ ಡೆಸ್ಕ್ ಟಾಪ್ ಮೂಲಕ ಎಕ್ಸೆಸ್ ಮಾಡುತ್ತಾರೆ.
ಸಾಫ್ಟವೇರ್ ಕಂಪನಿಗಳ ಬಿಲ್ಡಿಂಗ್ ಅಲ್ಲಿ ಹಲವು ಮಹಡಿ ಅಂದರೆ ಅಂತಸ್ತುಗಳಿದ್ದು ಪ್ರತಿ ಫ್ಲೋರ್ ಅಲ್ಲಿ ಕ್ಯುಬಿಕ್ ಗಳು ಹಾಗೂ ಒಂದು ಕಡೆ ಗ್ಲಾಸ್ ಬಾಗಿಲು / ಗೋಡೆ ಇರುವ ರೂಮುಗಳಿರುತ್ತದೆ.
ವಿಡಿಯೋ ಪ್ರಾಜೆಕ್ಟರ್ ಇರುವ ಕಾನ್ಫೆರನ್ಸ್ ರೂಂ ಇದ್ದು ಜಗತ್ತಿನ ಬೇರೆ ಮೂಲೆಯಲ್ಲಿರುವ ಬ್ರ್ಯಾಂಚ್ ಗಳಿಗೆ ವಿಡಿಯೋ ಮೀಟಿಂಗ್ ಮಾಡಬಹುದು.
ಇಲ್ಲಿ ಕೂಡಾ ಕಾಫಿ-ಟೀ ಕುಡಿಯಲು, ತಿಂಡಿ ತಿನ್ನಲು, ಊಟ ಮಾಡಲು ಕೆಫಿಟೇರಿಯಾ, ಪ್ಯಾಂಟ್ರಿ ಇರುತ್ತೆ. ಬಂದವರ ಸ್ವಾಗತ ಮಾಡಲು ರಿಸಿಪ್ಶನ್ ಇರುತ್ತೆ. ಸೆಕ್ಯುರಿಟಿ ಗಾರ್ಡ್ ಗಳು, ಪಾರ್ಕಿಂಗ್ ಮ್ಯಾನೆಜ್ ಮೆಂಟ್ ಸಹ ಇದೆ.
ಸಾಫ್ಟವೇರ್ ಕಂಪನಿಗಳ ಕೆಲಸಗಾರರ ಹೆಚ್ಚಿನ ರೋಲ್ ಗಳು ಬೇರೆ ಕಂಪನಿಯನ್ನೇ ಹೋಲುತ್ತವೆ.
ಬನ್ನಿ ಒಂದೊಂದಾಗಿ ರೋಲ್ ಹಾಗೂ ಕೆಲಸವನ್ನು ತಿಳಿಯೋಣ.
ಇಂಟರ್ನ್
ಕಾಲೇಜಲ್ಲಿ ಡಿಗ್ರೀ ಅಥವಾ ಪೋಸ್ಟ್ ಗ್ರಾಜುಯೇಶನ್ ಮಾಡುತ್ತಾ ಜೊತೆಗೆ ಕಂಪನಿಯಲ್ಲಿ ಕೆಲ್ಸ ಮಾಡಿ ಕೆಲಸದ ಅನುಭವ ಪಡೆಯಲು ಬಂದಿರುವ ವಿದ್ಯಾರ್ಥಿಗಳಿಗೆ ಇಂಟರ್ನ್ ಅನ್ನುತ್ತಾರೆ. ಕೆಲವೊಮ್ಮೆ ಇದು ಅವರ ಡಿಗ್ರೀ ಸರ್ಟಿಫಿಕೇಟ್ ಪಡೆಯಲು ಈ ಅನುಭವ ಅವಶ್ಯಕ ಆಗಿರುತ್ತದೆ.
ಇಂಜಿನಿಯರಿಂಗ್ ಅಲ್ಲಿನ ಕೊನೆಯ ಸೆಮಿಸ್ಟರ್ ವಿದ್ಯಾರ್ಥಿಗಳು ಸಾಮಾನ್ಯವಾಗಿ ಕಂಪನಿಗಳಲ್ಲಿ ಇಂಟರ್ನ್ ಆಗಿ ಪ್ರಾಜೆಕ್ಟ್ ಮಾಡುತ್ತಾರೆ.
ಎಷ್ಟೋ ಬಾರಿ ಮಾಸ್ಟರ್ ಡಿಗ್ರೀ ಮಾಡಲು ಕಂಪನಿಗಳಲ್ಲಿ ಇಂಟರ್ನ್ ಶಿಪ್ ಕೆಲಸದ ಅನುಭವ ಇರಬೇಕು.
ಎಷ್ಟೋ ಬಾರಿ ಇಂಟರ್ನ್ ಗಳ ಚಾಣಾಕ್ಷತೆ ಅಥವಾ ಕೌಶಲ್ಯ ನೋಡಿ ಕಂಪನಿಗಳು ಫುಲ್ ಟೈಮ್ ಎಂಪ್ಲೋಯೀ (ಪೂರ್ಣ ಕೆಲಸಗಾರ) ಆಫರ್ ನೀಡುವದೂ ಇದೆ.
ಇಂಟರ್ನ್ ಗಳಿಗೆ ಕೆಲವೊಮ್ಮೆ ಕಂಪನಿಗಳು ಸ್ವಲ್ಪ ಸಂಬಳ ಕೊಡುತ್ತವೆ. ಇನ್ನು ಕೆಲವೊಮ್ಮೆ ಉಚಿತವಾಗಿಯೇ ಕೆಲಸ ಮಾಡುತ್ತಾರೆ. ಯಾಕೆಂದರೆ ಇಲ್ಲಿ ಇಂಟರ್ನ್ ಗಳಿಗೆ ಹಣ ಮುಖ್ಯ ಅಲ್ಲ. ವೃತ್ತಿಪರ ಕೆಲಸದ ಅನುಭವ ಮುಖ್ಯ.
ಟ್ರೇನೀ / ಫ್ರೆಶರ್
ಇವರಿಗೆ ಹಿಂದೆ ಆ ತಂತ್ರಜ್ಞಾನದಲ್ಲಿ ಅಥವಾ ಯಾವುದೇ ರೀತಿಯ ಕೆಲಸ ಮಾಡಿ ಅನುಭವ ಇರುವದಿಲ್ಲ.
ಡೆವಲಪರ್ / ಪ್ರೋಗ್ರಾಮರ್ / ಕೋಡರ್
ಡೆವಲಪರ್ ಅಲ್ಲಿ ಹಲವು ರೀತಿಯ ಡೆವಲಪರ್ ಇದ್ದಾರೆ.
- ಫ್ರಂಟ್ ಎಂಡ್ ಅಥವಾ ಯುಐ ಡೆವಲಪರ್
- ಬ್ಯಾಕೆಂಡ್ ಡೆವಲಪರ್
- ಫುಲ್ ಸ್ಟಾಕ್ ಡೆವಲಪರ್
ಫ್ರಂಟ್ ಎಂಡ್ ಅಥವಾ ಯುಐ ಡೆವಲಪರ್
ಇವ್ರ ಕೆಲಸ ಮುಖ್ಯವಾಗಿ ಒಂದು ಅಪ್ಲಿಕೇಶನ್ ನ ಯೂಸರ್ ಇಂಟರ್ ಫೇಸ್ ಕೋಡಿಂಗ್ ಮಾಡಿ ಡೆವಲಪ್ ಮಾಡುವದು. ಅದಕ್ಕೆ ಯುನಿಟ್ ಟೆಸ್ಟಿಂಗ್ ಮಾಡುವದು.
ಇವರು ಸಾಮಾನ್ಯವಾಗಿ ಈ ಮುಂದಿನ ಯಾವುದಾದರೂ ಒಂದು ಅಥವಾ ಅದಕ್ಕಿಂತ ಹೆಚ್ಚು ಬಗೆಯ ಯುಐ ಮಾಡುತ್ತಾ ಇರ್ತಾರೆ
- ವೆಬ್ ಅಪ್ಲಿಕೇಶನ್
- ಅಂಡ್ರಾಯಿಡ್
- ಐಒಎಸ್
- ಥಿಕ್ ಕ್ಲೈಂಟ್ / ಡೆಸ್ಕ್ ಟಾಪ್ ಅಪ್ಲಿಕೇಶನ್
ಈ ಮುಂದಿನ ಭಾಷೆ / ತಂತ್ರಜ್ಞಾನ ಬಳಕೆ ಜಾಸ್ತಿ
- ಜಾವಾ ಸ್ಕ್ರಿಪ್ಟ್
- ರಿಯಾಕ್ಟ್
- ಎಂಗ್ಯುಲರ್
- ಕೋಟ್ಲಿನ್
- ಸ್ವಿಪ್ಟ್
ಬ್ಯಾಕೆಂಡ್ ಡೆವಲಪರ್
ಇವ್ರು ರೆಸ್ಟ್ ಎಪಿಐ (Rest API) , ಮೈಕ್ರೋ ಸರ್ವೀಸಸ್, ಕ್ಲೌಡ್ ಅಲ್ಲಿ ಸಾಮಾನ್ಯವಾಗಿ ಕೆಲಸ ಮಾಡುತ್ತಿರುತ್ತಾರೆ. ಆರ್ಟಿ ಫಿಶಿಯಲ್ ಇಂಟೆಲಿಜೆನ್ಸ್, ಬಿಗ್ ಡಾಟಾ, ಮಶೀನ್ ಲರ್ನಿಂಗ್, ಡಾಟಾಬೇಸ್ ಬಳಕೆ ಕೂಡಾ ಮಾಡುತ್ತಿರುತ್ತಾರೆ.
ಇವರು ಸಾಮಾನ್ಯವಾಗಿ ಈ ಮುಂದಿನ ತಂತ್ರಜ್ಞಾನ ಬಳಸುವದು ಜಾಸ್ತಿ.
- ಜಾವಾ
- ಡಾಟ್ ನೆಟ್
- ಪೈಥಾನ್
- ಕ್ಲೌಡ್ ಕಂಪ್ಯೂಟಿಂಗ್
ಫುಲ್ ಸ್ಟಾಕ್ ಡೆವಲಪರ್
ಫುಲ್ ಸ್ಟ್ಯಾಕ್ ಎಂದರೆ ಫ್ರಂಟ್ ಎಂಡ್ ಹಾಗೂ ಬ್ಯಾಕ್ ಎಂಡ್ ಎರಡರ ಡೆವಲಪ್ ಮೆಂಟ್ ಬಲ್ಲ ಡೆವಲಪರ್. ಇವರು ಸಾಮಾನ್ಯವಾಗಿ ಇಡೀ ಅಪ್ಲಿಕೇಶನ್ ಡೆವಲಪ್ ಮೆಂಟ್ ಮಾಡುತ್ತಾರೆ. ಸಕಲಕಲಾ ವಲಭರು ಇವರು.
ಕೆಲವೊಮ್ಮೆ ಸಾಸ್ ಕ್ಲೌಡ್ ಆದ ಸೇಲ್ಸ್ ಫೋರ್ಸ್, ಅಪ್ಪಿಯನ್ ಹೀಗೆ ಮೊದಲಾದ ಸಿಆರ್ ಎಂ, ಬಿಪಿಎಂ ಸಹ ಬಳಸುತ್ತಾರೆ.
ಕ್ವಾಲಿಟಿ ಅನಾಲಿಸ್ಟ್ / ಗುಣಮಟ್ಟ ಪರೀಕ್ಷಕ / ಟೆಸ್ಟಿಂಗ್ ಇಂಜಿನಿಯರ್
ಇವರ ಕೆಲಸ ಡೆವಲಪರ್ ಕೋಡಿಂಗ್ ಮಾಡಿದ ಅಪ್ಲಿಕೇಶನ್ ಅನ್ನು ಟೆಸ್ಟ್ ಮಾಡಿ ಬಳಕೆದಾರರ ಬೇಡಿಕೆಗೆ ತಕ್ಕಂತೆ ಇದೆಯಾ, ಏನಾದರೂ ದೋಷಗಳು ಇವೆಯಾ? ಎಂದು ಪತ್ತೆ ಹಚ್ಚುವದು.
ಇವರಲ್ಲೂ ಎರಡು ಬಗೆ.
- ಮಾನ್ಯುವಲ್
- ಆಟೋಮೇಶನ್
ಮಾನ್ಯುವಲ್ ಟೆಸ್ಟರ್ ಸ್ವತಃ ತಾನೇ ಅಪ್ಲಿಕೇಶನ್ ಓಪನ್ ಮಾಡಿ ಟೆಸ್ಟ್ ಮಾಡಿದರೆ, ಆಟೋಮೇಶನ್ ಅಲ್ಲಿ ಟೆಸ್ಟ್ ಕೇಸ್ ಗಳಿಗೆ ಕೋಡಿಂಗ್ ಮಾಡಿ ಅದರ ಸಹಾಯದಿಂದ ಟೆಸ್ಟ್ ಮಾಡುತ್ತಾರೆ. ಇಂದು ಆಟೋಮೇಶನ್ ಕ್ಯೂ ಎ ಗಳಿಗೆ ಎಲ್ಲಿಲ್ಲದ ಬೇಡಿಕೆ.
ಡೆವ್ ಒಪ್ಸ್
ಅಪ್ಲಿಕೇಶನ್ ಡೆವೆಲಪ್ ಆದ ಮೇಲೆ ಅದನ್ನು ಕೋಡ್ ರಿವೀವ್ ಮಾಡಿ ಡೆವ್, ಕ್ಯೂ ಎ ಸರ್ವರ್ ಗೆ ಮ್ಯಾನುವಲ್ ಆಗಿ ಡಿಪ್ಲಾಯ್ (Deploy) ಮಾಡುವದು ತುಂಬಾ ಪ್ರಯಾಸದ ಕೆಲಸ.
ಆ ಕೆಲಸವನ್ನು ಆಟೋಮೇಟ್ ಮಾಡುವದು ಡೆವ್ ಆಪ್ಸ್ ಕೆಲಸ. ಜೆಂಕಿನ್ಸ್, ಸೋನಾರ್ ಮೊದಲಾದ ಟೂಲ್ ಬಳಸಿ ಒಂದು ಸಿಐಸಿಡಿ (CICD) ಪೈಪ್ ಲೈನ್ ಮಾಡಿ ಅದು ದೋಷವಿಲ್ಲದೇ ಕೆಲಸ ಮಾಡುವಂತೆ ನೋಡಿ ಕೊಳ್ಳುವದೇ ಈ ಡೆವ್ ಒಪ್ಸ್ (DevOps) ಕೆಲಸ.
ಡಿಬಿಎ (ಡಾಟಾಬೇಸ್ ಅಡ್ಮಿನಿಸ್ಟ್ರೇಟರ್)
ಪ್ರತಿ ಅಪ್ಲಿಕೇಶನ್ ನ ಬೆನ್ನೆಲುಬು ಡಾಟಾ ಬೇಸ್. ಇದರಲ್ಲೇ ಮಾಹಿತಿ ಎಲ್ಲ ರಕ್ಷಿಸಿಟ್ಟು ಬೇಕಾದಾಗ ಹೊರ ತೆಗೆಯುವದು. ಇಂತಹ ಡಾಟಾಬೇಸ್ ಅನ್ನು ನೋಡಿ ಕೊಳ್ಳುವ ಇಂಜಿನಿಯರ್ ಅನ್ನು ಡಿಬಿಎ (ಡಾಟಾಬೇಸ್ ಅಡ್ಮಿನಿಸ್ಟ್ರೇಟರ್) ಅನ್ನುತ್ತಾರೆ.
- ಡಾಟಾ ಬೇಸ್ ಇನ್ಸ್ಟಾಲೇಶನ್ / ಪ್ಯಾಚ್ ಅಪಡೇಟ್
- ಯೂಸರ್ ಮೆಂಟೆನನ್ಸ್
- ಡಾಟಾ ಮೊಡೆಲಿಂಗ್ ಮತ್ತು ವಿನ್ಯಾಸ
- ಡಾಟಾ ಬೇಸ್ ಸ್ಕೀಮಾ ಮ್ಯಾನೆಜ್ ಮೆಂಟ್
- ಅಪ್ಲಿಕೇಶನ್ ಡೆವೆಲಪರ್ ಗೆ ಕ್ವೆರಿ ಬರೆಯಲು ಸಹಾಯ ಮಾಡುವದು.
- ಡಾಟಾಬೇಸ್ ಆಪ್ಟಿಮೈಜ್ ಮಾಡುವದು
- ಡಾಟಾಬೇಸ್ ಬದಲಾವಣೆಗಳನ್ನು ಪ್ರಾಡಕ್ಷನ್ ವರೆಗೆ ಒಯ್ಯುವದು.
ಯುಎಕ್ಸ್ ಡಿಸೈನರ್
ನೆಟ್ ವರ್ಕ್ ಅಡ್ಮಿನಿಸ್ಟ್ರೇಟರ್
ನೆಟ್ ವರ್ಕ್ ಅಡ್ಮಿನಿಸ್ಟ್ರೇಟರ್ ಕೆಲಸ ಕಂಪನಿಯ ಕಂಪ್ಯೂಟರ್ ನೆಟವರ್ಕ್ ಸುಲಲಿತವಾಗಿ ಕೆಲಸ ಮಾಡುವಂತೆ ನೋಡಿ ಕೊಳ್ಳುವದು. ಎಲ್ಲ ಸರ್ವರ್ ಗಳಿಗೆ ಪ್ಯಾಚ್ / ಅಪಡೇಟ್ ಇನ್ಸ್ಟಾಲ್ ಮಾಡುವದು. ರೌಟರ್ / ಮಾಡೆಮ್ / ವೈರಿಂಗ್ ನಿರ್ವಹಣೆ.
ಸಿಸ್ಟೆಮ್ ಅಡ್ಮಿನಿಸ್ಟ್ರೇಟರ್
ಪ್ರಾಡಕ್ಷನ್ ಸಪೋರ್ಟ್
ಪ್ರಾಡಕ್ಷನ್ ಅಲ್ಲಿ ಏನೇ ಸಮಸ್ಯೆ ಇರಲಿ ಹಾರ್ಡವೇರ್ / ಸಾಫ್ಟವೇರ್ / ಅಪ್ಲಿಕೇಶನ್ ಇವೆಲ್ಲದರ ಜವಾಬ್ದಾರಿ ಪ್ರಾಡಕ್ಷನ್ ಸಪೋರ್ಟ್ ಇಂಜಿನಿಯರ್.
ಇವರು ಸಾಮಾನ್ಯವಾಗಿ ಈ ಮುಂದಿನ ಕೆಲಸ ಮಾಡುತ್ತಾರೆ.
- ಆಪರೇಟಿಂಗ್ ಸಿಸ್ಟೆಮ್ ಇನ್ಸ್ಟಾಲೇಶನ್ / ಅಪಡೇಟ್
- ಸಾಫ್ಟವೇರ್ ಇನ್ಸ್ಟಾಲೇಶನ್ / ಅಪಡೇಟ್
- ಅಪ್ಲಿಕೇಶನ್ ಇನ್ಸ್ಟಾಲೇಶನ್ / ಅಪಡೇಟ್
- ಹಾರ್ಡವೇರ್ ಸಮಸ್ಯೆ ಪರಿಹಾರ
- ಹಾರ್ಡವೇರ್ ಇನ್ಸ್ಟಾಲೇಶನ್ / ಅಪಡೇಟ್
- ಯೂಸರ್ ಮ್ಯಾನೆಜ್ ಮೆಂಟ್
- ಎಲ್ಲ ಸರ್ವರ್ / ಅಪ್ಲಿಕೇಶನ್ ಮಾನಿಟರಿಂಗ್
ಸ್ಕ್ರಮ್ ಮಾಸ್ಟರ್
ಇಂದು ಹೆಚ್ಚಿನ ಕಂಪನಿಗಳಲ್ಲಿ ಸಾಫ್ಟವೇರ್ ಪ್ರಾಜೆಕ್ಟ್ ಬಳಸುವದು ಅಜೈಲ್ ವಿಧಾನ. ಈ ಅಜೈಲ್ ನಲ್ಲಿ ಸ್ಕ್ರಮ್ ಅನ್ನುವದು ಒಂದು ಬಗೆ. ಈ ಸ್ಕ್ರಮ್ ಬಗೆಯಲ್ಲಿ ಮುಖ್ಯ ರೂವಾರಿ ಸ್ಕ್ರಮ್ ಮಾಸ್ಟರ್.
ಇದೇನೂ ಕಂಪನಿ ಮಟ್ಟದ ರೋಲ್ ಅಲ್ಲ. ಯಾವುದೋ ಮ್ಯಾನೆಜರ್ ಅಥವಾ ಟೀಂ ಲೀಡ್ ಸ್ಕ್ರಮ್ ಮಾಸ್ಟರ್ ಆಗಿ ಕೆಲ್ಸ ಮಾಡುತ್ತಾರೆ.
ಅಜೈಲ್ ವಿಧಿಗಳನ್ನು ನಡೆಸುವದು ಈ ಸ್ಕ್ರಮ್ ಮಾಸ್ಟರ್ ಜವಾಬ್ದಾರಿ. ಈ ಅಜೈಲ್ ಬಗ್ಗೆ ಇನ್ನೊಂದು ಲೇಖನದಲ್ಲಿ ವಿವರ ಆಗಿ ತಿಳಿಸ್ತೀನಿ ಆಯ್ತಾ?
ಪ್ರಾಡಕ್ಟ್ ಓನರ್
ಅಜೈಲ್ ಸ್ಕ್ರಮ್ ವಿಧಾನದಲ್ಲಿ ಪ್ರಾಡಕ್ಟ್ ಓನರ್ ಎಂದರೆ ಬ್ಯುಸಿನೆಸ್ ಬಳಕೆದಾರರೊಂದಿಗೆ ಚರ್ಚೆ ಮಾಡಿ ಅವರ ಅವಶ್ಯಕತೆಯನ್ನು ಪಟ್ಟಿ ಮಾಡಿ ಪ್ರಾಡಕ್ಟ್ ಬ್ಯಾಕಲಾಗ್ ಕ್ರಿಯೇಟ್ ಮಾಡುತ್ತಾನೆ.
ಅದನ್ನು ಡೆವಲಪ್ ಮೆಂಟ್ ತಂಡಕ್ಕೆ ಯಾವುದನ್ನು ಮೊದಲು ಮಾಡಬೇಕು ಎಂಬ ಸಲಹೆ ಕೊಟ್ಟು ಉಪಯುಕ್ತ ಅಪ್ಲಿಕೇಶನ್ ಅನ್ನು ತಯಾರಿಸಲು ಸಹಾಯ ಮಾಡುತ್ತಾನೆ. ಈ ಹಿಂದೆ ಇದೇ ಕೆಲಸ ಮಾಡುವವರನ್ನು ಬ್ಯುಸಿನೆಸ್ ಅನಾಲಿಸ್ಟ್ ಅನ್ನುತ್ತಿದ್ದರು.
ಟೀಂ ಲೀಡ್
ಅಜೈಲ್ ವಿಧಾನದಲ್ಲಿ ಟೀಂ ಲೀಡ್ ಅನ್ನುವ ಪರಿಕಲ್ಪನೆ ಇಲ್ಲ. ಆದರೂ ಸಾಫ್ಟವೇರ್ ಕಂಪನಿಗಳಲ್ಲಿ ಸಿನಿಯರ್ ಡೆವಲಪರ್ ಅನ್ನು ಟೀಂ ಲೀಡ್ ಆಗಿ ಗುರುತಿಸಿ ಕೆಲವು ಜವಾಬ್ದಾರಿಯನ್ನು ಕೊಡುತ್ತಾರೆ.
ಜೂನಿಯರ್ ಡೆವಲಪರ್ ಗೆ ಮಾರ್ಗದರ್ಶನ, ಹೊಸಬರು ಟೀಂ ಗೆ ಬಂದಾಗ ಅವರಿಗೆ ಸಹಾಯ ಮಾಡುವದು, ಇಂಪ್ಲೆಮೆಂಟೇಶನ್ ವಿಧಾನ, ವಿನ್ಯಾಸ, ಕೋಡ್ ರಿವೀವ್ ಹೀಗೆ ಹಲವು ಕೆಲಸ ಅವರದ್ದು.
ಪ್ರಾಜೆಕ್ಟ್ ಮ್ಯಾನೆಜರ್
ಅಜೈಲ್ ವಿಧಾನದಲ್ಲಿ ಪ್ರಾಜೆಕ್ಟ್ ಮ್ಯಾನೆಜರ್ ಅನ್ನುವ ಪರಿಕಲ್ಪನೆ ಇಲ್ಲ. ಆದರೂ ಸಾಫ್ಟವೇರ್ ಕಂಪನಿಗಳಲ್ಲಿ ಮ್ಯಾನೆಜರ್ ಆಗಿ ಗುರುತಿಸಿ ಕೆಲವು ಜವಾಬ್ದಾರಿಯನ್ನು ಕೊಡುತ್ತಾರೆ.
- ಪ್ರಾಜೆಕ್ಟ್ ಗುರಿ, ಟ್ರ್ಯಾಕಿಂಗ್, ಮಾರ್ಗದರ್ಶನ, ಪ್ಲಾನಿಂಗ್
- ಟೈಮ್ ಶೀಟ್, ರಜಾ, ಅಪ್ರೈಸಲ್, ಹೈರಿಂಗ್
- ಟೀಮ್ ಬಿಲ್ಡಿಂಗ್ ಚಟುವಟಿಕೆಗಳು
- ಪೀಪಲ್ ಮ್ಯಾನೆಜರ್
- ಟೆಕ್ನೊಲೊಜಿ ಮ್ಯಾನೆಜರ್
ಆರ್ಕಿಟೆಕ್ಟ್
ಆರ್ಕಿಟೆಕ್ಟ್ ಮುಖ್ಯ ಕೆಲಸ ಅಪ್ಲಿಕೇಶನ್ ಆರ್ಕಿಟೆಕ್ಚರ್, ವಿನ್ಯಾಸ, ತಂತ್ರಜ್ಞಾನದ ಆಯ್ಕೆ, ಅಪ್ಲಿಕೇಶನ್ ಸಾಮರ್ಥ್ಯ, ತಾಂತ್ರಿಕ ಸಮಸ್ಯೆಗಳಿಗೆ ಪರಿಹಾರ ಇತ್ಯಾದಿ.
ಇವರಲ್ಲಿ ಮುಖ್ಯವಾಗಿ ಎರಡು ವಿಧ.
- ಅಪ್ಲಿಕೇಶನ್ ಆರ್ಕಿಟೆಕ್ಟ್
- ಸೊಲ್ಯೂಶನ್ ಆರ್ಕಿಟೆಕ್ಟ್
ಪ್ರೋಗ್ರಾಮ್ ಮ್ಯಾನೆಜರ್
ಪ್ರೊಗ್ರಾಮ್ ಮ್ಯಾನೆಜರ್ ಕಂಪನಿಯ ಹಾಗೂ ಬ್ಯುಸಿನೆಸ್ ನ ದೂರಗಾಮಿ ಗುರಿಯನ್ನು ಗಮನದಲ್ಲಿಟ್ಟು ಆ ಪ್ರೊಗ್ರಾಮ್ ಕೆಳಗೆ ಬರುವ ಹಲವು ಪ್ರೊಜೆಕ್ಟ್ ನಡುವೆ ಕೊರ್ಡಿನೇಟ್ (ಸಂಯೋಜಿಸು) ಮಾಡುತ್ತಾರೆ.
ಪ್ರೋಗ್ರಾಮ್ ಮ್ಯಾನೆಜರ್ ಪ್ರತ್ಯೇಕವಾಗಿ ಪ್ರಾಜೆಕ್ಟ್ ನಿರ್ವಹಣೆ ಮಾಡುವದಿಲ್ಲ.
ಡೆಲಿವರಿ ಮ್ಯಾನೆಜರ್
ಡೆಲಿವರಿ ಮ್ಯಾನೆಜರ್ ಬಜೆಟ್ ಬಳಸಿ, ಸಮಯಕ್ಕೆ ಸರಿಯಾಗಿ ಬ್ಯುಸಿನೆಸ್ ಗೆ ವ್ಯಾಲ್ಯೂ ನೀಡುವಂತೆ ಅಪ್ಲಿಕೇಶನ್ ಅಥವಾ ಪ್ರಾಡಕ್ಟ್ ನ ಫೀಚರ್ ಗಳ ಡೆಲಿವರಿಗೆ ಜವಾಬ್ದಾರನಾಗಿರುತ್ತಾನೆ.
ಪ್ರಾಜೆಕ್ಟ್ ಡೆಲಿವರಿಯಲ್ಲಿ ಅಡೆತಡೆಯನ್ನು ಗಮನಿಸಿ ಅದನ್ನು ಪ್ರಾಜೆಕ್ಟ್ ಮ್ಯಾನೆಜರ್ ಜೊತೆ ಚರ್ಚಿಸಿ ನಿವಾರಿಸುವದು ಹಾಗೂ ಆಟೋಮೇಶನ್, ಎಐ ಮೊದಲಾದ ಇತ್ತೀಚಿನ ತಂತ್ರಜ್ಞಾನ ಬಳಕೆ ಮುಖ್ಯ ಕೆಲಸ.
ಸಿಟಿಒ (ಚೀಫ್ ಟೆಕ್ನಿಕಲ್ ಆಫೀಸರ್)
ಯಾವುದೇ ಕಂಪನಿಯ ಸಿಟಿಓ ಆ ಕಂಪನಿಯ ತಂತ್ರಜ್ಞಾನ ಅಥವಾ ಇಂಜಿನಿಯರಿಂಗ್ ವಿಭಾಗವನ್ನು ಮುನ್ನಡೆಸುತ್ತಾರೆ. ಇವರ ಮುಖ್ಯ ಗುರಿ ಬ್ಯುಸಿನೆಸ್ ನ ಅವಶ್ಯಕತೆಯನ್ನು ತಂತ್ರಜ್ಞಾನ ಬಳಸಿ ಕಾರ್ಯಗತ ಗೊಳಿಸುವದು.
ಸಿಐಓ (ಚೀಫ್ ಇನ್ಫಾರ್ಮೇಶನ್ ಆಫೀಸರ್)
ಸಿಐಓ ಒಂದು ಕಂಪನಿಯ ಮಾಹಿತಿ ತಂತ್ರಜ್ಞಾನದ ಅವಶ್ಯಕತೆಯ ಮೇಲ್ವಿಚಾರಣೆ ನಡೆಸುತ್ತಾರೆ.
ಸಿಎಫ್ ಓ (ಚೀಫ್ ಫೈನಾನ್ಸ್ ಆಫೀಸರ್)
ಕಂಪನಿಯ ಹಣಕಾಸಿನ ಟ್ರ್ಯಾಕಿಂಗ್, ವರದಿ ಮಾಡುವದು, ಹಣಕಾಸಿನ ಪ್ಲಾನಿಂಗ್, ರಿಸ್ಕ್ ಪ್ಲಾನಿಂಗ್ ಇತ್ಯಾದಿ ಸಿಎಫ್ ಓ ಕೆಲಸ.
ಎಚ್ ಆರ್( ಹ್ಯೂಮನ್ ರಿಸೋರ್ಸ್ / ಮಾನವ ಸಂಪತ್ತು)
ಎಚ್ ಆರ್ ಗಳ ಮುಖ್ಯ ಕೆಲಸ
- ಜನರನ್ನು ಕೆಲಸಕ್ಕೆ ತೆಗೆದುಕೊಳ್ಳುವದು
- ಜನರ ಸಾಮರ್ಥ್ಯದ ಟ್ರ್ಯಾಕಿಂಗ್
- ಟ್ರೇನಿಂಗ್
- ಜಗಳ ಇತ್ಯಾದಿ ಸಮಾಧಾನ
- ಬಹುಮಾನ ನೀಡುವದು
- ಉದ್ಯೋಗಿಗಳ ಸುರಕ್ಷತೆ
- ಆರೋಗ್ಯ
- ಪಾಲಿಸಿ ಅಭಿವೃದ್ದಿ
- ಪ್ರೊಮೋಶನ್, ಸಂಬಳ ನಿರ್ವಹಣೆ
ಸಿ ಇ ಓ (ಚೀಪ್ ಎಕ್ಸೆಕ್ಯೂಶನ್ ಆಫೀಸರ್)
ಸಿ ಇ ಓ ಇದು ಒಂದು ಕಂಪನಿಯ ಅತಿ ಉನ್ನತ ಹುದ್ದೆ ಅಥವಾ ರೋಲ್ ಆಗಿದೆ.
- ಕಂಪನಿ ಯಾವ ದಾರಿಯಲ್ಲಿ ಸಾಗಬೇಕು ಎಂಬ ನಿರ್ಧಾರ ಹಾಗೂ ಪ್ಲಾನಿಂಗ್
- ಪ್ಲಾನ್ ಅನ್ನು ಇಂಪ್ಲೆಮೆಂಟ್ ಮಾಡುವದು
- ಕಂಪನಿಯ ಸಾಮರ್ಥ್ಯ ನೋಡಿಕೊಳ್ಳುವದು
- ಬಜೆಟಿಂಗ್ ಹಾಗೂ ಮುನ್ಸೂಚನೆ
- ಪಬ್ಲಿಕ್ ಹಾಗೂ ಬೋರ್ಡ್ ಆಫ್ ಡೈರೆಕ್ಟರ್ ಬಳಿ ಜೊತೆ ಸಂವಹನ
- ಕಂಪನಿಯ ಸಂಸ್ಕೃತಿ, ಮಾರ್ಗದರ್ಶನ
ಡೈರೆಕ್ಟರ್
ಸಾಮಾನ್ಯವಾಗಿ ಕಂಪನಿ ಹೇಗೆ ಸಾಗಬೇಕು? ಯಾವ ರೀತಿಯ ಕೆಲಸ ಮಾಡಬೇಕು. ಹೀಗೆ ಇಡೀ ಕಂಪನಿ ಅಥವಾ ಅಂದು ದೊಡ್ಡ ವಿಭಾಗಕ್ಕೆ ಮಾರ್ಗದರ್ಶನ ಮಾಡಲು ಒಬ್ಬ ಡೈರೆಕ್ಟರ್ ಅಥವಾ ಹಲವು ಡೈರೆಕ್ಟರ್ ಗಳ ಗುಂಪು ಇರುತ್ತೆ.ಆ ಗುಂಪಿಗೆ ಬೋರ್ಡ್ ಆಫ್ ಡೈರೆಕ್ಟರ್ ಎಂದು ಕರೆಯುತ್ತಾರೆ.
ಕಾಲ ಕಾಲಕ್ಕೆ ಇವರೆಲ್ಲಾ ಸೇರಿ ಕಂಪನಿಯ ಆಗು ಹೋಗುಗಳ ಚರ್ಚೆ ನಡೆಸುತ್ತಾರೆ.
ಹಲವು ಕೆಲಸಗಳಿಗೆ ಇವರ ಅನುಮತಿ ಅತ್ಯಗತ್ಯ. ಅನೇಕ ಬಾರಿ ಟಾಪ್ ಲೆವಲ್ ಎಕ್ಸೆಕ್ಯೂಟಿವ್ ಆಯ್ಕೆ ಹಾಗೂ ಬೇರೆ ಕಂಪನಿಗಳ ಮರ್ಜರ್ / ಖರೀದಿ ಇವರ ಸಹಮತ ಇಲ್ಲದೇ ಸಾಗುವದಿಲ್ಲ.
ಚೇರ್ ಮನ್
ಅಷ್ಟೇ ಅಲ್ಲ ಬೇರೆ ಎಲ್ಲ ಟಾಪ್ ಲೆವಲ್ ಎಕ್ಸೆಕ್ಯೂಟಿವ್ ಗಳು ಸರಿಯಾಗಿ ಕೆಲಸ ನಿರ್ವಹಿಸುವಂತೆ, ಅವರ ನೇಮಕ ಇತ್ಯಾದಿ ಕೆಲ್ಸಗಳಲ್ಲಿ ಪಾಲ್ಗೊಳ್ಳುತ್ತಾರೆ.
ಅನುಭವದ ಆಧಾರದ ಮೇಲಿನ ರೋಲ್
ಅನುಭವದ ಆಧಾರದ ಮೇಲೆ ಎಲ್ಲ ಕೆಲಸಗಾರರಿಗೆ ಈ ಮುಂದಿನ ಟ್ಯಾಗ್ ಇರುತ್ತೆ.
ಜ್ಯೂನಿಯರ್
ಜ್ಯೂನಿಯರ್ ಎಂದ್ರೆ ಆ ಕೆಲಸ ಅವನಿಗೆ ಹೊಸತು, ಜಾಸ್ತಿ ಅನುಭವ ಇನ್ನೂ ಆಗಿಲ್ಲ ಎಂದರ್ಥ. ಸಿನಿಯರ್ ಅಥವಾ ಪ್ರಿನ್ಸಿಪಲ್ ಮೊದಲಾದ ಟ್ಯಾಗ್ ಇಲ್ಲಾಂದ್ರೆ ಸಾಮಾನ್ಯವಾಗಿ ಜ್ಯೂನಿಯರ್ ಎಂದೇ ಅರ್ಥ!
ಉದಾ: ಜೂನಿಯರ್ ಡೆವಲಪರ್
ಸಿನಿಯರ್
ಸಿನಿಯರ್ ಎಂದ್ರೆ ಆ ಕೆಲಸದಲ್ಲಿ ತುಂಬಾ ವರ್ಷ ಕೆಲಸ ಮಾಡಿ ಪಳಗಿದವ ಎಂದರ್ಥ.
ಉದಾ: ಸಿನಿಯರ್ ಡೆವಲಪರ್, ಸಿನಿಯರ್ ಪ್ರಾಜೆಕ್ಟ್ ಮ್ಯಾನೆಜರ್, ಸಿನಿಯರ್ ಆರ್ಕಿಟೆಕ್ಟ್
ಪ್ರಿನ್ಸಿಪಲ್
ಪ್ರಿನ್ಸಿಪಲ್ ಎಂದ್ರೆ ಹಲವು ಸಿನಿಯರ್ ಗಳು ಆತನ ಕೆಳಗೆ ಕೆಲಸ ಮಾಡ್ತಾ ಇದ್ದಾರೆ ಅಥವಾ ಇನ್ನೂ ಹೆಚ್ಚಿನ ಜವಾಬ್ದಾರಿಯುತ ಪ್ರಮುಖ ಕೆಲಸ ಮಾಡ್ತಾ ಇರೋರು ಎಂದರ್ಥ.
ಉದಾ: ಪ್ರಿನ್ಸಿಪಲ್ ಆರ್ಕಿಟೆಕ್ಟ್
ವೈಸ್ ಅಥವಾ ಅಸಿಸ್ಟಂಟ್
ವೈಸ್ ಅಥವಾ ಅಸಿಸ್ಟಂಟ್ ಎಂದ್ರೆ ಅವರು ಇನ್ನೊಬ್ಬನ ಕೆಳಗೆ ಕೆಲಸ ಮಾಡುತ್ತಿರುವವನು ಎಂದರ್ಥ.
ಉದಾ: ವೈಸ್ ಚೇರ್ ಮನ್, ವೈಸ್ ಪ್ರೆಸಿಡೆಂಟ್, ಅಸಿಸ್ಟಂಟ್ ಮ್ಯಾನೆಜರ್, ಅಸಿಸ್ಟಂಟ್ ಡೈರೆಕ್ಟರ್
ಇಂಟರಿಮ್
ಇಂಟರಿಮ್ ಎಂದರೆ ಹಂಗಾಮಿ ಅಥವಾ ತಾತ್ಕಾಲಿಕ ಅಥವಾ ಟೆಂಪರರಿ ರೋಲ್ ನಿಭಾಯಿಸುವವ. ಸ್ವಲ್ಪ ದಿನ ಅಥವಾ ತಿಂಗಳಲ್ಲಿ ಆ ಕೆಲಸಕ್ಕೆ ತಕ್ಕ ವ್ಯಕ್ತಿ ಸಿಕ್ಕರೆ, ಇನ್ನೊಬ್ಬನು ಆತನ ಜಾಗವನ್ನು ತೆಗೆದುಕೊಳ್ಳುತ್ತಾನೆ ಎಂದರ್ಥ.
ಉದಾ: ಇಂಟರಿಮ್ ಸಿ ಇ ಓ, ಇಂಟರಿಮ್ ಸಿ ಟಿ ಓ
ಕೊನೆಯ ಮಾತು
ಅಂತೂ ಸಾಫ್ಟವೇರ್ ಕಂಪನಿಯಲ್ಲಿ ಯಾವ ಯಾವ ರೀತಿಯ ರೋಲ್ ಇರುತ್ತೆ ಅನ್ನುವದನ್ನು ನೋಡಿದ್ವಿ ಅಲ್ವಾ? ಹೆಚ್ಚಿನ ಟಾಪ್ ಲೆವಲ್ ಎಕ್ಸೆಕ್ಯೂಟಿವ್ ರೋಲ್ ಗಳು ಬೇರೆ ಕಂಪನಿಯ ಹಾಗೆ ಇರುತ್ತೆ.
ಕೇವಲ ತಳಮಟ್ಟದ ಕೆಲಸಗಾರರ ರೋಲ್ ಬೇರೆ ಅಷ್ಟೇ! ಯಾವುದಾದರೂ ರೋಲ್ ಈ ಮೇಲೆ ಮಿಸ್ ಆಗಿದೆಯಾ? ಆಗಿದ್ರೆ ಕಮೆಂಟ್ ಮಾಡಿ ಆಯ್ತಾ?
ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.
ಚಿತ್ರಕೃಪೆ: Innova Labs ಇಂದ Pixabay
ಬನ್ನಿ ಕಂಪ್ಯೂಟರ್, ಸ್ಮಾರ್ಟ್ ಫೋನ್ ಬಗ್ಗೆ ತಿಳಿಯೋಣ.
ಕಾಮೆಂಟ್‌ಗಳಿಲ್ಲ
ಕಾಮೆಂಟ್‌ ಪೋಸ್ಟ್ ಮಾಡಿ
ನಿಮ್ಮ ಅನಿಸಿಕೆ ಏನು? ತಿಳಿಸಿ.