ಇಂದು ವ್ಲಾಗ್ಗಿಂಗ್ ತುಂಬಾ ಸಾಮಾನ್ಯವಾಗಿದೆ. ಫೇಸ್ ಬುಕ್, ಯೂಟ್ಯೂಬ್, ಟಿಕ್ ಟಾಕ್ ತದ್ರೂಪಿಗಳು (ಜೋಶ್, ಲೈಕೀ, ಟಕಾ ಟಕ್, ಮೋಜ್), ಇನ್ಸ್ಟಾ ಗ್ರಾಂ ಎಲ್ಲ ಕಡೆ ವಿಡಿಯೋ ದೇ ರಾಜ್ಯಭಾರ.
ಇಂದು ೨೦೨೧ರಲ್ಲಿ ಹೆಚ್ಚಿನ ಜನ ಓದಲು ಬಯಸುವದಿಲ್ಲ. ವಿಡಿಯೋ ನೋಡಲು ಅಥವಾ ಆಡಿಯೋ ಕೇಳಲು ಬಯಸುತ್ತಾರೆ.
ಅಷ್ಟೇ ಅಲ್ಲ ನಟನೆ, ನೃತ್ಯ, ಹಾಸ್ಯ, ಕಲೆ, ಶಿಕ್ಷಣ ಹೀಗೆ ನಿಮ್ಮ ಪ್ರತಿಭೆ ತೋರಿಸಲು ವ್ಲಾಗ್ಗಿಂಗ್ ಉತ್ತಮ ಮಾರ್ಗ.
ಈ ಲೇಖನದಲ್ಲಿ ವ್ಲಾಗ್ಗಿಂಗ್ ಕ್ಯಾಮರಾ ಹೇಗಿರಬೇಕು? ಯಾವ ಯಾವ ರೀತಿಯ ಕ್ಯಾಮರಾ ಉತ್ತಮ ಅನ್ನುವದರ ಬಗ್ಗೆ ನೋಡೋಣ.
ಗಮನಿಸಿ ಈ ಲೇಖನದಲ್ಲಿ ಅಫಿಲಿಯೆಟ್ ಲಿಂಕ್ ಗಳಿದ್ದು ಅವುಗಳಿಂದ ಗಣಕ ಪುರಿ ತಾಣವು ಚಿಕ್ಕ ಕಮೀಶನ್ ಗಳಿಸುತ್ತದೆ. ಅದರಿಂದ ನಿಮಗೆ ಯಾವುದೇ ರೀತಿಯ ಬೆಲೆಯ ವ್ಯತ್ಯಾಸ ಆಗುವದಿಲ್ಲ. ಬದಲಾಗಿ ನಮ್ಮ ಕನ್ನಡ ಕೈಂಕರ್ಯಕ್ಕೆ ಹೆಚ್ಚಿನ ಬೆಂಬಲ ಸಿಗುವದು.
{tocify} $title={ವಿಷಯ ಸೂಚಿ}
ವ್ಲಾಗ್ಗಿಂಗ್ ಗೆ ಕ್ಯಾಮರಾ ಹೇಗಿರಬೇಕು?
ವ್ಲಾಗ್ಗಿಂಗ್ ಕ್ಯಾಮರಾದಲ್ಲಿ ಯಾವ ತರಹದ ಸೌಲಭ್ಯ ಇರಬೇಕು? ಬನ್ನಿ ನೋಡೋಣ.
ನೀವು ಯಾವ ಬಗೆಯ ವ್ಲಾಗ್ಗಿಂಗ್ ಮಾಡಲಿದ್ದೀರಾ? ಒಂದು ಕೋಣೆಯಲ್ಲಿ ಕುಳಿತು ವಿವರಿಸಲಿದ್ದೀರಾ? ಒಂದು ನಿಗದಿ ಪಡಿಸಿದ ಜಾಗದಲ್ಲಿ ಮಾತನಾಡಲಿದ್ದೀರಾ? ಇಲ್ಲಾ ಗುಡ್ಡ, ಬೆಟ್ಟ, ಸಮುದ್ರ ತೀರ, ಮಾರುಕಟ್ಟೆ, ಪ್ರವಾಸಿ ತಾಣ ಎಲ್ಲ ಕಡೆ ಜಿಗಿದು ಕುಪ್ಪಳಿಸುತ್ತಾ ವಿವರಿಸುತ್ತಾ ವ್ಲಾಗ್ಗಿಂಗ್ ಮಾಡಲಿದ್ದೀರಾ? ಇದರ ಆಧಾರದ ಮೇಲೆ ನಿಮ್ಮ ಕ್ಯಾಮೆರಾ ನಿರ್ಧಾರ ಆಗುತ್ತದೆ.
ವ್ಲಾಗ್ಗಿಂಗ್ ಕ್ಯಾಮೆರಾದಲ್ಲಿ ಈ ಮುಂದಿನ ಸೌಲಭ್ಯ ಇದ್ದರೆ ಉತ್ತಮ.
೪ಕೆ ರೆಕಾರ್ಡಿಂಗ್
ಇಂದು ೨೦೨೧ರಲ್ಲಿ ೪ಕೆ ರೆಕಾರ್ಡಿಂಗ್ ಅತಿ ಮುಖ್ಯ. ಇನ್ನು ಕೆಲವೇ ವರ್ಷದಲ್ಲಿ ೭೨೦ಪಿ ಅನ್ನು ಹೇಗೆ ಫುಲ್ ಎಚ್ ಡಿ ಸ್ಥಾನ ಪಲ್ಲಟ ಮಾಡಿತೋ ಹಾಗೆ ಒಮ್ಮೆ ೮ಕೆ ಜಾಸ್ತಿ ಬಳಕೆ ಆದ ಹಾಗೆ ಆಗಲಿದೆ.
೮ಕೆ ತೆರೆಯಲ್ಲಿ ೪ಕೆ ಗಿಂತ ಕಡಿಮೆ ರಿಸಾಲ್ಯೂಶನ್ ವಿಡಿಯೋ ಅಷ್ಟು ಉತ್ತಮ ಅನುಭವ ನೀಡದು!
ನಿಮ್ಮ ವ್ಲಾಗ್ಗಿಂಗ್ ಕ್ಯಾಮೆರಾದಲ್ಲಿ ೪ಕೆ ೩೦ಪಿ ರೆಕಾರ್ಡಿಂಗ್ ಇರಬೇಕು. ೪ಕೆ ೬೦ಪಿ ಇದ್ದರೆ ಇನ್ನೂ ಉತ್ತಮ.
ಅಕಸ್ಮಾತ್ ಬಜೆಟ್ ಕಾರಣದಿಂದ ೪ಕೆ ಸಾಧ್ಯವಾಗದಿದ್ದರೂ ಪರವಾಗಿಲ್ಲ ಕನಿಷ್ಟ ಫುಲ್ ಎಚ್ಡಿ ಆರಂಭಿಕವಾಗಿ ಬಳಸಿ ಕ್ರಮೇಣ ನಿಮ್ಮ ಚಾನೆಲ್ ಜನಪ್ರಿಯ ಆದ ಹಾಗೆ ೪ಕೆ ಗೆ ಅಪ್ ಗ್ರೇಡ್ ಮಾಡಿ.
ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಜೇಶನ್
ವೀವ್ ಫೈಂಡರ್
ಜಾಸ್ತಿ ಮೆಮರಿ
ಜೂಮ್ ಇನ್ / ಔಟ್
ವೈಡ್ ಎಂಗಲ್ (ಅಗಲವಾದ ಕೋನ)
ಜಾಸ್ತಿ ಬ್ಯಾಟರಿ ಲೈಫ್
ವ್ಲಾಗ್ಗಿಂಗ್ ಗೆ ಕ್ಯಾಮರಾ ಆಯ್ಕೆಗಳು
ಜಾಸ್ತಿ ಹಣ ಕ್ಯಾಮೆರಾ ಅಥವಾ ಇನ್ನಿತರ ಗ್ಯಾಜೆಟ್ ಮೇಲೆ ಆರಂಭಿಕದ ದಿನದಲ್ಲಿ ಬಂಡವಾಳ ಹೂಡದಿರುವದು ಒಳ್ಳೆಯದು. ಒಮ್ಮೆ ಯಶಸ್ಸಿನ ರಾಣಿ ನಿಮ್ಮ ಕೈ ಹಿಡಿದ ಮೇಲೆ ಬೇಕಿದ್ದರೆ ಕಾಸ್ಟ್ಲಿ ಕ್ಯಾಮರಾ ಗ್ಯಾಜೆಟ್ ತೆಗೆದು ಕೊಳ್ಳುವದರ ಬಗ್ಗೆ ಯೋಚಿಸಿ.
ಒಂದು ವಿಷಯ ನೆನಪಿಡಿ ಜನ ಬೇಸಿಕ್ ಕ್ಯಾಮೆರಾದಲ್ಲಿ ನೀವು ಮಾಡಿದ ಕಂಟೆಂಟ್ ನೋಡುತ್ತಿಲ್ಲವಾದರೇ ಅದ್ಯಾವ ಸೀಮೆಯ ಫೋನ್ / ಕ್ಯಾಮರಾದಲ್ಲಿ ವ್ಲಾಗ್ಗಿಂಗ್ ಮಾಡಿದರೂ ಜನ ನೋಡುವದಿಲ್ಲ.
ಆಯ್ಕೆ ೧: ಸ್ಮಾರ್ಟ್ ಫೋನ್
ಇಂದು ೯ ಸಾವಿರದಿಂದ ಹಿಡಿದು ಲಕ್ಷದವರೆಗೆ ಹಲವು ಸ್ಮಾರ್ಟ್ ಫೋನ್ ಲಭ್ಯವಿದೆ. ನನ್ನ ಪ್ರಕಾರ ೧೫ ರಿಂದ ೨೦ ಸಾವಿರ ಬೆಲೆಯ ಸ್ಮಾರ್ಟ್ ಫೋನ್ ವ್ಲಾಗ್ಗಿಂಗ್ ಗೆ ಸೂಕ್ತ. ಯಾಕೆಂದರೆ ಇಂತಹ ಫೋನ್ ಅಲ್ಲಿ ವಿಡಿಯೋ ಎಡಿಟಿಂಗ್ ಅಷ್ಟೇ ಅಲ್ಲ ಲೈವ್ ಸ್ಟ್ರೀಮಿಂಗ್ ಸಹ ಮಾಡಬಹುದು.
ನಾನು ಜನವರಿ ೨೦೨೨ರಲ್ಲಿ ನನ್ನ ಆಯ್ಕೆಯ ಸ್ಮಾರ್ಟ್ ಫೋನ್ ಅನ್ನು ಇಲ್ಲಿ ನೀಡಿದ್ದೇನೆ. ಬಜೆಟ್, ಮಿಡಲ್ ಹಾಗೂ ಪ್ರಿಮಿಯಂ ರೇಂಜ್ ಫೋನ್ ಇಲ್ಲಿವೆ. ಆರಂಭಿಕವಾಗಿ ಬಜೆಟ್ ಫೋನ್ ಸಾಕು. ಆಮೇಲೆ ಯಶಸ್ಸು ಸಿಕ್ಕರೆ ಬೇರೆ ಫೋನ್ ಕೊಳ್ಳುವಿರಂತೆ.
ವಿವರಗಳಿಗೆ ಆಯಾ ಲಿಂಕ್ ಕ್ಲಿಕ್ ಮಾಡಿ.
ಬಜೆಟ್ ೪ಕೆ ಕ್ಯಾಮೆರಾ ಇರುವ ಫೋನ್ ಗಳು
ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಂ 21 - 2021
ಮಿಡಲ್ ರೇಂಜ್ ೪ಕೆ ಕ್ಯಾಮೆರಾ ಇರುವ ಫೋನ್ ಗಳು
ಪ್ರಿಮಿಯಂ ೪ಕೆ ಕ್ಯಾಮೆರಾ ಇರುವ ಫೋನ್ ಗಳು
ಆಯ್ಕೆ ೨: ಎಕ್ಷನ್ ಕ್ಯಾಮೆರಾ
ಅಕಸ್ಮಾತ್ ನೀವು ಟ್ರಾವೆಲ್ ವ್ಲಾಗ್ಗಿಂಗ್ ಮಾಡುತ್ತಿದ್ದರೆ ಗೋ ಪ್ರೋ ಅಂತಹ ಎಕ್ಷನ್ ಕ್ಯಾಮೆರಾ ತುಂಬ ಉತ್ತಮ. ಅದನ್ನು ನೀವು ಓಡುತ್ತಾ, ಸೈಕಲ್ ಅಥವಾ ಬೈಕ್ ಗೆ ಫಿಕ್ಸ್ ಮಾಡಿ ವಿಡಿಯೋ ಶೂಟ್ ಮಾಡಿದರೂ ವಿಡಿಯೋ ಚೆನ್ನಾಗಿ ಬರುವಂತೆ ವಿನ್ಯಾಸ ಮಾಡಿದ್ದಾರೆ.
ಆದರೆ ಈ ಕ್ಯಾಮೆರಾ ಉತ್ತಮ ವಾಗಿ ವೈಡ್ ಎಂಗಲ್ ತೆಗೆದರೂ ಚಿತ್ರ ವಿರೂಪ ಅಥವಾ ವಕ್ರವಾಗಿ ಬರುತ್ತದೆ. ಆದರೆ ಪ್ರವಾಸಿ ತಾಣ ತೋರಿಸಲು ವೈಡ್ ಎಂಗಲ್ ನೋಟ ಅತಿ ಮುಖ್ಯ ಆದುದರಿಂದ ಅದರ ಜೊತೆ ಹೊಂದಾಣಿಕೆ ಮಾಡಿ ಕೊಳ್ಳಬೇಕು.
ಗೋ ಪ್ರೋ ನಂತಹ ಎಕ್ಷನ್ ಕ್ಯಾಮೆರಾ ತುಂಬಾ ದುಬಾರಿ ಆದರೆ ಅದರಷ್ಟು ಚೆನ್ನಾಗಿರುವ ಬೇರೆ ಎಕ್ಷನ್ ಕ್ಯಾಮೆರಾ ಕಡಿಮೆ.
ಅದರದ್ದೇ ಹಳೆಯ ಮಾಡೆಲ್ ಗಳು ಕಡಿಮೆ ಬೆಲೆಗೆ ಸಿಗುತ್ತವೆ. ಬಜೆಟ್ ಸಮಸ್ಯೆ ಇದ್ದರೆ ಅದನ್ನು ಖರೀದಿಸಿ.
ಗೋಪ್ರೋ ಹೀರೋ10 (ಉತ್ತಮ)
ಆಯ್ಕೆ ೩: ಮಿರರ್ ಲೆಸ್ ಡಿಎಸ್ ಎಲ್ ಆರ್ ಕ್ಯಾಮೆರಾ
ಮಿರರ್ ಲೆಸ್ ಡಿಎಸ್ಎಲ್ ಆರ್ (DSLR) ಕ್ಯಾಮೆರಾ ಕಂಪ್ಯಾಕ್ಟ್ ಆಗಿದ್ದು ಅತ್ಯುತ್ತಮ ವಿಡಿಯೋ ಗುಣಮಟ್ಟ ನೀಡುತ್ತದೆ. ಆದರೆ ನಿಮಗೆ ಆಫ್ಟಿಕಲ್ ಸ್ಟೆಬಿಲೈಜೇಶನ್ ಬೇಕಾದ್ರೆ ತುಂಬಾ ಕಾಸ್ಟ್ಲೀ ಆಗುತ್ತೆ.
ಇದು ಸ್ಮಾರ್ಟ್ ಫೋನ್ ಅಥವಾ ಎಕ್ಷನ್ ಕ್ಯಾಮೆರಾದಷ್ಟು ಪೋರ್ಟಬಲ್ ಅಲ್ಲ.
ಆದರೆ ಲೆನ್ಸ್ ಬದಲಾಯಿಸಿ ವೈಡ್ ಎಂಗಲ್ ಅಥವಾ ಬೇರೆ ಬೇರೆ ಸನ್ನಿವೇಶಗಳಿಗೆ ದೃಶ್ಯ ಬದಲಾಯಿಸ ಬಹುದು.
ನನ್ನ ಆಯ್ಕೆಯ ಬಜೆಟ್ ಹಾಗೂ ಪ್ರಿಮಿಯಂ ಮಿರರ್ ಲೆಸ್ ಕ್ಯಾಮೆರಾ ಕೆಳಗಿದೆ. ಆಯಾ ಲಿಂಕ್ ಕ್ಲಿಕ್ ಮಾಡಿ ವಿವರ ನೋಡಿ.
ಉತ್ತಮ ಬಜೆಟ್ ಆಯ್ಕೆ
ಸೋನಿ ಜೆಡ್ ವಿ ೧ ವ್ಲಾಗ್ಗಿಂಗ್ ಕ್ಯಾಮೆರಾ
ಕ್ಯಾನೊನ್ ಇಒಎಸ್ ಎಂ 50 ಮಿರರ್ ಲೆಸ್ ಕ್ಯಾಮೆರಾ
ಪ್ರಿಮಿಯಂ ಆಯ್ಕೆ
ಕೊನೆಯ ಮಾತು
ವ್ಲಾಗಿಂಗ್ ಮಾಡುವ ಪ್ಲಾನ್ ಇದ್ದರೆ ಮೊದ ಮೊದಲು ನಿಮ್ಮ ವ್ಲಾಗ್ಗಿಂಗ್ ಸ್ಮಾರ್ಟ್ ಫೋನ್ ನಿಂದ ಆರಂಭಿಸಿ. ಆಮೇಲೆ ನಿದಾನವಾಗಿ ವ್ಲಾಗಿಂಗ್ ಜನಪ್ರಿಯ ಆದ್ರೆ ಅದರ ಆದಾಯದಿಂದ ಎಕ್ಷನ್ ಕ್ಯಾಮೆರಾ ಸೇರ್ಪಡೆ ಮಾಡಿ. ಆಮೇಲೆ ಡಿಎಸ್ ಎಲ್ ಆರ್ ಅನ್ನು ನಿಮ್ಮ ಸ್ಟುಡಿಯೋ ಸೆಟ್ ಅಪ್ ಗಳಿಗೆ ಬಳಸಿ.
ಕ್ಯಾಮರಾ ಯಾವುದೇ ಇರಲಿ ಯಾವಾಗಲೂ ಪ್ರತ್ಯೇಕ ಮೈಕ್ ಬಳಸುವದು ಒಳ್ಳೆಯದು.
ಒಂದು ಮುಖ್ಯ ಮಾತನ್ನು ನೆನಪಿಡಿ. ನಿಮ್ಮ ಕಂಟೆಂಟ್ ಆಸಕ್ತಿಕರ, ಉಪಯುಕ್ತ ಇದ್ದರೆ ಅದೆಂತ ಕ್ಯಾಮೆರಾ ಬಳಸಲಿ ಜನ ನೋಡುತ್ತಾರೆ, ವೈರಲ್ ಆಗುತ್ತದೆ. ಚೆನ್ನಾಗಿಲ್ಲ ಎಂದರೆ ಯಾರೂ ನೋಡೊಲ್ಲ. ತೀರಾ ಹೈ ಎಂಡ್ ಕ್ಯಾಮರಾ ಬಳಸಿದರೆ ಜನ ನೋಡುತ್ತಾರೆ ಎನ್ನುವದು ನಿಮ್ಮ ಭ್ರಮೆ ಮಾತ್ರ.
ಯಾವ ಯಾವ ಮೈಕ್ ಆಯ್ಕೆ ಇದೆ ಎಂಬುದನ್ನು ಇನ್ನೊಂದು ಲೇಖನದಲ್ಲಿ ತಿಳಿಸುವೆ.
ಈ ಲೇಖನ ಹೇಗನಿಸಿತು? ಹೇಗೆ ಇನ್ನೂ ಇಂಪ್ರೂವ್ ಮಾಡಬಹುದು? ಕಮೆಂಟ್ ಹಾಕ್ತೀರಾ? ನಿಮ್ಮ ಗೆಳೆಯರಿಗೆ ಇದು ಇಷ್ಟ ಆಗುತ್ತೆ ಅನ್ನಿಸಿದರೆ ಅವರಿಗೂ ಶೇರ್ ಮಾಡಿ. ಸರಿನಾ? ವಂದನೆಗಳು.
ಚಿತ್ರಕೃಪೆ: Harry Cunningham on Unsplash
ಚಿತ್ರಕೃಪೆ: Jelleke Vanooteghem on Unsplash
ಚಿತ್ರಕೃಪೆ: Harrison Kugler on Unsplash
ಚಿತ್ರಕೃಪೆ: Jordan Opel on Unsplash
ಚಿತ್ರಕೃಪೆ: Jakob Owens on Unsplash
ಬನ್ನಿ ಕಂಪ್ಯೂಟರ್, ಸ್ಮಾರ್ಟ್ ಫೋನ್ ಬಗ್ಗೆ ತಿಳಿಯೋಣ.
ಕಾಮೆಂಟ್‌ಗಳಿಲ್ಲ
ಕಾಮೆಂಟ್‌ ಪೋಸ್ಟ್ ಮಾಡಿ
ನಿಮ್ಮ ಅನಿಸಿಕೆ ಏನು? ತಿಳಿಸಿ.